下晝肥仔聰就同老婆仔喺酒店範圍影靚靚婚照, Christy企喺老公隔籬顯得更加苗條,一肥一瘦畫面相映成趣,而肥仔聰亦相當體貼,不時幫老婆掀裙尾,費事老婆仔仆親。

媽咪姐

肥仔聰豪娶芭蕾舞家

2012年09月21日 ~~ 第895期 忽然1周

最近星爺周星馳同舊愛于文鳳因賣樓抽佣問題對簿公堂,頭都痕!而由佢一手發掘嘅愛將肥仔聰(林子聰),就喜事重重,同拍拖 12年嘅芭蕾舞導師女友 Christy拉埋天窗。

海景婚禮剛剛於呢個星期一( 17日)喺三亞海棠灣希爾頓逸林渡假村舉行,之前大 S同老公都喺呢間五星酒店結婚㗎!肥仔聰好低調,只係請咗幾十位親友同幾位圈中老死出席婚宴,包括田雞(田啟文)。近年喺大陸搵人仔嘅肥仔聰搵埋唔少,包晒所有親友嘅食宿機票,連埋婚禮同婚紗相,粗略估計都豪使八十萬㗎。




15日(周六),肥仔聰同田雞一班兄弟團率先到酒店打點,中午大隊喺酒店邊午飯邊商量玩新郎對策。

tvb4life 發表在 痞客邦 留言(0) 人氣()