做得人阿爸就要頂硬上啦!(設計對白)

媽咪姐

陳錦鴻為自閉兒撈

2012年09月21日 ~~ 第895期 忽然1周

陳錦鴻自從拍完台慶劇《萬凰之王》,成年都冇拍劇,原來佢將全副精神擺喺有輕度自閉症同語言障礙嘅囝囝陳駕樺身上。聽講佢之前已推咗兩套內地劇同一套無綫劇,「跌咗」成 5百萬!而老婆杜雯惠原本喺大班揸 fit嘅 dbc電台做 DJ,亦因老闆暫停注資而隨時無得撈。

過去一年手停口停嘅陳錦鴻,最近被迫返無綫撈拍新劇《初五啟示錄》。佢同媽咪姐講:「損失幾多唔講啦,湊大個仔唔係用錢衡量嘅。其實呢一年係有人搵我拍劇,不過我係咁推,人哋都知我唔得閒,就冇再搵我拍。(係咪最近老婆份工危危乎,所以你要返出嚟拍劇?)我唔知佢嗰度點,但我見個仔進度有改善,加上套劇唔使返內地拍,咪接囉。」陳錦鴻停工為個仔,出山拍劇亦為咗個仔,父愛真係偉大!


陳錦鴻兩公婆一向錫到囝囝燶,一家三口,樂也融融。


《初五啟示錄》由陳錦鴻做男主角,生完無耐嘅郭羨妮做女主角,兩個都要撲水養仔女!

tvb4life 發表在 痞客邦 留言(0) 人氣()