辛苦晒喎!(設計對白)

媽咪姐

阿徐搵「細佬」湊女

2012年09月21日 ~~ 第895期 忽然1周

陳冠希契細佬 Kelvin Poon(潘世亨)响圈中一向廣結人緣, 09年經契哥介紹下識咗「 Eason嫂」徐濠縈,自此成日結伴去蒲。舊年 7月仲俾人影到阿徐帶住囡囡康堤(包包),約埋 Kelvin Poon,「一家三口」去深灣遊艇會嬉水㖭!事後阿徐解釋當 Kelvin係「細佬」咋喎。

呢位「細佬」果然唔話得,見 Eason咁忙,就成日陪「阿嫂」呢度去嗰度去。早前,媽咪姐又發現阿徐着住 sharp到爆彩色連身裙,拖實一身豹紋型 look嘅康堤去圓方會合 uncle。
當時阿徐行得好急,仲搭住囡囡膊頭話:「包包行快啲啦,遲晒喇!」然後就急急腳入咗「千両」壽司店,原來 Kelvin Poon早已經坐低咗,佢細心到為阿徐兩母女 order定一大盤壽司同波子汽水㖭!媽咪姐仲發現康堤竟然唔同阿媽坐,要坐 uncle隔籬,一坐低就叫「 Kelvin哥哥」,似乎好熟絡,而 Kelvin亦主動幫阿徐同康堤斟汽水。佢哋約會呢日,正好 Eason身處內地開巡迴個唱。老公唔喺度,阿徐就搵「細佬」做住暫代角色,幫輕吓自己,果然係個「精明」師奶喎!


Kelvin Poon一面細心聽包包講嘢,一面俾相阿徐睇(左圖),忙得嚟好溫馨!




包包真係大得快,依家已經去到阿徐膊頭喇。

tvb4life 發表在 痞客邦 留言(0) 人氣()