周家蔚低炒晒巨肚 


【今日我至巨】周家蔚噚日喺微博晒巨肚話:「開始感覺到他動啊!」明明只係大肚四個幾月,個肚大過籮,低炒角度原來唔止用嚟影長腿,大肚都適用。微博圖片

被喻為慳家新抱29歲的周家蔚早前同湯盈盈去尖沙嘴食廉價茶餐,又到加連威老道掃平衫,引為一時佳話。昨日家蔚又在微博上載自家減肥浸腳療程,可謂省錢省到盡,同時她貼上自己懷胎四個多月的巨肚,分享感受到肚中孩子在動的興奮。

本星期初兩個大肚婆洪太周家蔚,跟準錢嘉樂太太湯盈盈去尖沙嘴逛街,一個下午連吃帶買兩人消費平均不到200元,節儉的美德為她們贏得慳家新抱的美名。昨日凌晨時份,周家蔚又在微博貼上一張肚大如籮的孕婦照,並留言說:「開始感覺到他動啊!」仿如即將要臨盆一樣。



周家蔚(右)日前被本報拍得與湯盈盈嘆廉價茶餐兼掃平衫。 

仍在坐月的何嘉莉為B仔拍下戴太陽眼鏡相。微博圖片 留家浸腳安胎

家蔚昨日接受電話訪問時,就解釋只是角度問題,她說:「其實係角度問題啫,因為係低炒喺下面影上去,所以你咪覺得特別大囉!」不過她笑言自己雖然懷孕四個多月,但確實比同期孕婦的肚來得大,她說:「我有啲生過嘅朋友都話我個肚睇落似唔止四個幾月,好在淨係肚大,我就冇乜點長肉。」家蔚笑言拍照時正在浸腳消腫順便做埋減肥,原本是要整個人泡水,但她怕影響BB故只浸腳,連減肥都在自家完成,洪門慳家新抱當之無愧。

何嘉莉B曬太陽

此外,前英皇小花退出娛樂圈後轉型做形象設計,並且已嫁作人婦的何嘉莉(Lillian)在上月31日誕下一名重6.7磅的龍B仔,她除上載新生BB的照片在微博外,昨日亦放了一張為BB戴太陽眼鏡的照片晒溫馨。Lillian早前跟時裝品牌Moiselle太子爺陳柏熹合資七位數開設時裝店,期間已透露待坐滿月後就會極速復出工作。
採訪:葉雪

tvb4life 發表在 痞客邦 留言(0) 人氣()