早前本報率先報道喬寶寶因老婆申請特區護照不成,被迫退出娛樂圈移民蘇格蘭,雖然報道出街後引起廣泛討論,但事件未有進展,喬寶寶唯有疊埋心水搞移民算數,不過這情況亦引起主辦商興趣,決定為他舉行告別棟篤笑,作為退出前最後一擊,寶寶認為此舉亦為自己娛樂事業,畫上一個完美句號。

撰文:杜淑霞 攝影:畢紹基 場地:安山火炭單車站

喬寶寶入行6年,首次舉行棟篤笑,他坦言起初曾推卻主辦商的邀請,「講真我真係驚,最驚便係唔好笑啦!如果棟篤笑唔好笑都幾弊,另外亦都擔心票房問題,好在後尾啲朋友個個都鼓勵我,依家內部認購都有三分一啦!」

今次寶寶棟篤笑名為《喬寶寶棟篤笑之我係香港人》,顧名思義就是以他土生土長南亞裔角度來看香港,由他的成長、初戀、在懲教署的日子、加入娛樂圈及今次太太被拒發特區護照等事件都會提及到。

親子樂變血案

喬寶寶說:「全部內容都係我親身經歷,黑妹姐幫我搵咗林超榮幫手再度稿,希望令到效果更好。」

由於棟篤笑在11月舉行,寶寶的太太在蘇格蘭被限制出境,兩名兒子又要返學,到時應該不能撐場,令寶寶大感無奈,最慘是他早前去蘇格蘭替太太辦理入籍手續時,陪細仔玩更發生意外,「嗰日同細仔喺花園打乒乓波,我無着鞋一個180度轉身,由於係石屎地搞到腳板成塊肉甩咗見到骨,結果縫咗12針,搞到登台都要揸枴杖。」

喬寶寶將舉辦棟篤笑,作為退出娛圈的最後一擊。
喬寶寶將舉辦棟篤笑,作為退出娛圈的最後一擊。
喬寶寶寶跟大仔似兄弟多過似父子。
喬寶寶跟大仔似兄弟多過似父子。
喬寶寶陪大仔同細仔喺花園打乒乓波,怎料令他弄傷腳。
寶寶陪大仔同細仔喺花園打乒乓波,怎料令他弄傷腳。
喬寶寶傷口現在仍未拆線。
傷口現在仍未拆線。
受傷喬寶寶要二家姐扶先得。
受傷寶寶要二家姐扶先得。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()