插圖: Wendy

揞名爆

「小山」竟然豬扒

2012年09月14日 ~~ 第894期 忽然1周

近期幾位電視小生逐一被爆「雜食」,形象分跌完再跌,好多女 fans都話接受唔到喎。唉,真係傻豬嚟嘅!男人,有邊個唔鹹濕吖?好似「小山」咁,佢嘅口味仲闊到你唔信㖭!

有位成日去蒲嘅姊妹爆料,話有次去某私人會所式嘅夜場玩,坐咗無耐,赫然見到成日喺公仔箱擺 pose扮情深嘅「小山」出現。嘩嘩嘩,明星喎!大家梗係即刻 𥄫到實啦,而呢位紅小生用佢嘅電眼掃視咗全場一周之後,就同班 friend坐咗喺一枱全女班嘅隔籬。當然,異性相吸係非常之咁正常,佢同班 friend後來跟大班女仔玩埋一齊亦係意料中事。值得講嘅係,「小山」係揀咗坐喺一位噸位有番咁上下嘅女仔隔籬噃!佢用電眼狂電對方,隻手又由膊頭開始掃落條腰(嗯,即係嗰圈「水泡」啦!)仲頭貼頭影合照好 sweet㗎。
噢,不過同枱其他樣靚身材正嘅女仔就睇到有啲眼火爆,諗極都唔明自己點解會輸俾「豬扒」囉。唏,都話人哋係「雜食類」咯,耐唔耐要轉吓口味!你問佢哋有無下文?二五話嗰度好黑,轉頭就唔見咗佢哋,大家自己諗啦!

tvb4life 發表在 痞客邦 留言(0) 人氣()