曹敏莉一邊食意粉,一邊聽其他人意見。作為慧妍信託委員會成員嘅王愛倫(右)則坐喺旁邊幫手。

媽咪姐

曹敏莉揸晒 fit

2012年09月14日 ~~ 第894期 忽然1周

由成班香港小姐組成嘅慧妍雅集,以往都係朱玲玲、趙雅芝話晒事,不過今年 7月趙雅芝正式交出個會長位俾 03年四料港姐冠軍曹敏莉。換句話講,依家新話事人就係曹敏莉。

咪以為慧妍雅集冇乜搞作,其實周不時都會搞吓活動,淨係約班幹事出嚟開會,夾時間都有排夾,不過估唔到新話事人又幾有號召力喎!早幾日慧妍喺中環 Landmark Cafe開會,曹敏莉全程 lead住個會,表現進取,「元老級」王愛倫則喺身邊撐住。佢哋仲邊食邊開會,有講有笑,睇嚟大家都好接受呢位新任會長噃。


開完會,曹會長仲有時間去買蛋糕,心情大靚嘅佢全程笑晒,似乎好享受做慧妍話事人。


為慶祝慧妍 30周年,早前 40幾位港姐聚首一堂錄製特備節目。新任會長曹敏莉(圈頭)更同一眾殿堂級港姐企前排。

    tvb4life 發表在 痞客邦 留言(0) 人氣()