慘!我仲早過 啲小朋友接受「國民教育」呀!﹙設計對白﹚
亞視高層喺員工大會上話收視率同廣告收益直逼 TVB。咦,幾十年前毛主席都話中國好快「超英趕美」囉。

媽咪姐

亞視自辦「國民教育」

2012年09月14日 ~~ 第894期 忽然1周

國民教育成為全城話題,政府被迫取消硬推政策,但媽咪姐知道亞視早已對旗下藝人及員工實施另類「國民教育」嘞!話說亞視每個月都會開員工大會,但喺最近嗰次( 8月 31日),一班高層好似執行董事盛品儒同副總裁葉家寶等就上台對員工講,以後公司有乜嘢政策同言論,員工要支持!藝人要力撐!

嘩,係人都知亞視有中資背景喎,咁咪即係要人人「向北」!而且 ATV依家硬性規定所有藝人必須出席員工大會,好似陳啟泰同肥仔劉錫賢都要坐定定聽高層訓話足足兩個鐘。仲有呀,早前評論節目《 ATV焦點》力撐「國民教育」,歷史性收到四萬幾宗投訴。但亞視依然唔理,上周四( 6日)一班亞姐出席活動前,據知公關仲同佢 哋「洗腦」,話要硬撐公司,否則後果自負喎!


「 ATV本身係共產黨!」﹙真實對白﹚
亞視自知因撐國教被全城圍插,派多名公關睇實班亞姐。點知上屆亞軍王家敏真係出力撐㖭!《蘋果日報》圖片


亞視執行董事盛品儒(左)話尊重新聞自由。但佢同副總裁葉家寶(右)就要員工硬撐公司囉。

tvb4life 發表在 痞客邦 留言(0) 人氣()