我要攞最佳失戀男主角獎㗎!(設計對白)
最近有報道話黃宗澤借酒消愁,佢話只係同 friend飲兩杯。 Bosco,只怪你呢排太「交戲」啫。

媽咪姐

Benz雄踢爆黃宗澤扮情傷

2012年09月14日 ~~ 第894期 忽然1周

同胡杏兒甩拖後,一直喺外地拍攝台劇《麵包樹上的女人》嘅黃宗澤( Bosco),上星期終於回港為新劇《好心作怪》開工。冇見幾個月, Bosco外形黑實咗唔少,驟眼望好似憔悴咗又瘦咗,接受記者訪問時,佢又一副慘樣話同杏兒仲有短訊聯絡,又話復合等天安排,情聖一樣。

跟住上周四( 6日),成班記者又圍住剛返 TVB嘅 Bosco,問佢情傷好番未,此時同劇嘅許紹雄行過就忍唔住搭嘴:「我攬過 Bosco,佢冇瘦過,佢冇事喎!」有劇組二五仲爆料話:「 Bosco開咗幾日工,一見到我哋,同平時一樣攬頭攬頸玩到癲,佢仲同周麗淇講笑話,完全冇問題喎!」講真,一向樂天嘅 Bosco有咩睇唔開吖?正如佢所講:「分手又唔係世界末日。」扮唔開心都係為咗迎合大家需要啫!


Bosco一返香港就孖住靚女周麗淇拍劇,其實點會唔 happy吖?你睇佢表情幾鬼馬!


Benz雄係前輩,挑通眼眉,見大班記者圍住 Bosco,即刻話佢無咩事,係大家諗多咗啫!

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()