冇化妝 嘅杏兒,戴住副黑超全程唧都唔笑,波平如鏡,十足紙板人一樣。話自己分手唔覺 hurt,睇怕都係自己呃自己。

媽咪姐

杏兒激瘦變紙板人

2012年09月14日 ~~ 第894期 忽然1周

世事無絕對,以為拍拖 8年 嘅胡杏兒同黃宗澤(Bosco)打風打唔甩,偏偏過 咗 7年之癢都要嗌分手。俾人飛 嘅黃宗澤,雖然出動鑽戒求復合,不過杏兒明知佢花心難改,拒絕再玩!

形象失女友甩 嘅 Bosco,惟有繼續扮死狗,不過撇仔嘅杏兒一樣唔好過!禮拜二( 11日),《衝上雲霄 2》去咗海南島嘅三亞拍外景,第一日未正式埋位,劇組就安排成班人留 喺酒店食晏。只見早前明明肥咗啲嘅胡杏兒,忽然又瘦番,唔單止胸骨暴現,就連僅僅有 嘅上圍都消失埋。見佢望住自助餐 嘅食物左思右想,唔多似有食慾,最後淨係食 咗生菜同生果就停手。唉, 8年喎,邊有咁快睇得開!


生果當飯
胡杏兒揀 咗半碟生果青菜當晏晝飯。見佢對住面前 嚿火龍果都分幾啖先嗒晒,就知食慾麻麻!


相反,胡定欣攞咗兩碟壽司幾 happy!其實佢之前同馬明分手都 hurt㗎,所以話,時間可以治療一切嘅。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()