會面傾約,但後來標題為「甜蜜地與愛人風雨相親」,關淑怡之後嬲咗 Tommy。《蘋果日報》圖片

媽咪姐

疑老死背叛放料 關淑怡帶仔尋死

2012年09月14日 ~~ 第894期 忽然1周

「看,朋友已經變得陌生」,當年關淑怡一首〈人生可有知己〉唱盡眾生爾虞我詐真面目,媽咪姐仲記得當時聽到心都實埋。估唔到多年後,關淑怡仍然走唔出呢個死胡同。周二( 11日)凌晨,佢喺 facebook留言嗌自殺,直言俾虛偽嘅「人」出賣。媽咪姐收到風,原來關淑怡口中呢個「人」,就係金牌大風高層 Tommy Chu。關淑怡同 Tommy喺寶麗金年代經已認識,舊年 Tommy積極游說關出山,雙方約咗喺四季酒店傾合作條件。為令外界多啲關注「關淑怡出山」呢件事, Tommy偷偷將嗰次會面時間、地點通知傳媒。知情人士爆:「唱片公司要有 noise無可厚非,但報道出街後竟然話 Shirley(關淑怡洋名)同 Tommy有路,就搞到 Shirley好嬲。」

合約傾唔成


嬲還嬲,但關淑怡唔食, 10歲大嘅兒子關浚賢都要食。為咗出山銀,只好肉隨砧板上。可惜合約一拖再拖,最後仲不了了之,委屈咗咁耐嘅關淑怡頓時崩潰。據知關淑怡試過反鎖自己喺房成日唔食嘢,呢幾日仲帶埋個仔人間蒸發,情況令人擔心。
媽咪姐於是搵 Tommy求證,佢話:「我都係事發嗰日先知呢件事,我有留言俾佢,不過未覆。我哋都兩個月冇見。(合約傾成點?)我哋有晒共識,有啲嘢未溝通到!(佢嗌自殺因為你放料俾傳媒?)應該唔關事!」據知連日失蹤嘅關淑怡原來已出埠散心,並於自殺留言翌日透過經理人王敏慧報平安。咁咪好囉!做人阿媽要識諗。


縱然留言尋死,但關淑怡嘅筆鋒依然有佢嘅虛無性格,「一杯水冷暖自知」暗喻自己洞悉一切,有文采。


關淑怡於 01年赴加拿大秘密產子,但未有公開父親身份。據知關淑怡失蹤期間,兒子關浚賢亦沒有上課。

tvb4life 發表在 痞客邦 留言(0) 人氣()