黎耀祥被大眾認為是好戲又好記性之人,不過祥仔不諱言這些技巧既是優點,亦都是缺點,往往都會形成「框框」,一定要懂得適當調節。對於作為今年台慶劇的《大太監》被看重,祥仔坦言現時對再奪視帝的信心一半一半。

黎耀祥於《造王者》中飾演余靖一角,角色性格愚忠,只顧及天地良心,不過實在是「好人難做」,一個太過平實、正派的角色,發揮方面始終有所限制,但祥仔坦言此角都有其好玩之處,就是給他一個很好的練習機會。祥仔謂:「呢個角色畀我練習講長對白的機會,有時講大半頁紙,對手只會畀少少反應,點先可以令觀眾睇落去唔悶呢!」

黎耀祥坦言戲好、記性好都會對演戲造成局限,是好處亦是壞處。
黎耀祥坦言戲好、記性好都會對演戲造成局限,是好處亦是壞處。

記性好係缺點

祥仔出名記性佳,不過他認為這優點亦是缺點:「有時記憶好反而會冇咗自由發揮空間,以前要求自己記晒對白,要求唔NG,其實當中係好多嘢可以修正,反而新人不斷撞、不斷試,會有新火花,所以有時我都想忘記某啲技巧,想有番真情、直接嘅感覺。」

祥仔表示演戲是無窮無盡,他又謂:「大家話我戲好、記性好,可能呢個係一個框框,戲好即係技巧好,但唔係好事,要適當調節。」祥仔擔綱演出的《大太監》成為今年的台慶劇,對於這個被看重的劇集他坦言對收視有信心,問他有否信心憑此劇再奪「視帝」獎項時,他坦言:「攞獎係要夾天時、地利、人和,觀眾取向都好緊要,都要睇到時觀眾反應,依家問我信心一半一半啦!」

爆老婆係小三

此外,祥仔昨日接受電台訪問,大方提到與前妻及經理人兼現任太太Julia的感情事,直認Julia是第三者:「雖然佢係第三者,但感情世界入面冇乜對錯。(你一生人只出現過兩段感情?)其實中間係出現過一啲零碎。」祥仔大讚Julia是個單純、勇敢的女子:「我依家有嘅嘢都係同太太一齊奮鬥、努力攞番嚟。」

攝:司徒國榮
化妝:Din Tse
髮型:Ivan Lee@Headquarter

    tvb4life 發表在 痞客邦 留言(0) 人氣()