型男級
古天樂塊臉變了平面方角,不過臉和耳朵膚色唔夾。
吳彥祖老咗都咁掂!

Apps World

電子整容

2012年09月07日 ~~ 第893期 忽然1周

近年,美容界興醫學打針瘦臉、整容,一號眼二號鼻三號嘴,想似大美人定 baby都得,不過唔見得光無膽認。近期 apps界都興玩整容,不過係整搞鬼樣,變老易容、對調輪廓、禿頭,今次玩吓靚仔靚女明星,玩完即 share俾朋友先夠過癮,既平、好玩又可留念,整 apps算罷啦!

變老易容術  AgingBooth




售價:$8( Apple電子產品), free( Android電子產品)
檔案大小: 10.8MB
支援:所有 Apple( iOS3.1.2版本以上)、 Android電子產品




影相後,調整眼、嘴和下巴的位置,等 3秒左右就搞掂。


彈出老樣後, shake一下手機即還原後生相作對比。同時,可即時存檔,並分享到 facebook、 twitter社交網站或傳送電郵亦得。

女神級




陳慧琳變肥了。


陳妍希似貴氣老太。


唔知李嘉欣認唔認得自己呢?


Angelababy最老,成個巫婆樣。

另類級




陳志雲好夾,仲多咗個「蝦餃」下巴, cute咗。


八両金得幾條魚尾紋,看來最襟老。

玩後感:以前成日諗自己老了會是怎樣,依家玩下即知!用 app鏡頭拍下相片,即隨機變出你 30餘年後的老樣,不過看上去像八十幾歲老人,效果有點誇張但好笑。試玩幾次,發現變老模式都係差不多,加了膚色、皺紋、肌肉鬆弛特別效果,頭髮和眉毛稍有灰白效果,唔夠明顯,玩吓 OK,好多同事都爭住認老。找廿歲出頭的 Angelababy作示範,五十幾歲變成咁,前額皺紋、魚尾紋勁深,加埋兩頰贅肉,驚嚇度十級!反而八両金個樣出奇地 keep得好,睇落仲順眼咗。

合成術 變臉




售價: free
檔案大小: 9.4MB
支援: iPhone3GS以上、 iPod Touch3代以上、 iPad( iOS4.0版本以上)

玩後感:想當年曾流行與戀人影合成貼紙相,睇吓兩人的下一代會是甚麼模樣。這個 app沿用相同的合成相片方式。拍攝或取二人相片,再調整臉形輪廓位置就得。效果只係一般,膚色和輪廓擺位唔太準,但勝在夠簡單,玩吓又無妨,得啖笑。


可選取一方的頭形,然後對位。




熊黛林加 Aaron的合成效果算唔錯,以女的頭形加男的輪廓,幾整齊,相信他們生 B的話都幾靚。


Sammi加安仔的效果麻麻,樣子歪了,又多了束前蔭頭髮( 黄圈),怪怪的。

極速變禿術  BaldBooth




售價:$8( Apple電子產品), free( Android電子產品)
檔案大小: 9.3MB
支援:所有 Apple( iOS3.1.2版本以上)、 Android電子產品

玩後感:有幾多藝人好似側田咁勇俾人睇「底牌」?睇吓當紅小生型男藝人禿樣,有男同事唔敢玩怕樣衰。與 AgingBooth玩法大同小異。使用時,先拍下大頭相或取相簿內相片,內置一款地中海式禿頭髮型,無選擇 dry啲,修正好眼、眉和耳朵的位置,只需數秒,「 Sorry for your loss……」。發現中等膚色的人,如鄭嘉穎、陳豪,效果自然;黝黑或偏黃膚色的人,臉和頭拼起來唔多夾色。


開版即教路,要影正面相片,最好睇到耳朵,效果會更逼真。


影相後,要對準指定臉形輪廓位置。


陳豪頭形 key得好。


鄭嘉穎加上籮霸 look,好麻甩。


陳冠希連頭皮都好白淨,像真度高。


鄭伊健本身長毛,依家似「河童」。


出名長毛的梁國雄變禿,即變壽星公。

    tvb4life 發表在 痞客邦 留言(0) 人氣()