插圖: Wendy

揞名爆

「笑皮」溝盡中港台

2012年09月07日 ~~ 第893期 忽然1周

早前「厚唇」鬧情變,有說因為佢另一半成日偷食,另一個說法就係呢位公仔箱阿姐返大陸拍劇嗰時,同男主角「笑皮」撻着咗。講真吖,媽咪姐一早就知「厚唇」另一半,唔係咩好人!但就睇唔出「笑皮」呢位外表唔算突出嘅寶島阿哥咁犀利,拍套劇就冧掂唔算易相處嘅「厚唇」。

之不過,媽咪姐喺國內都有唔少線人,係咁意問一問,就刮到唔少「笑皮」嘅料啦!而最「驚人」嘅消息係……佢同「雪條」呢位強國演藝圈阿姐級,竟然係「有一腿」嘅!話說年前「雪條」同「笑皮」合作拍電視劇《大經理》扮演兄妹,但佢哋就將呢份戲中嘅親情,轉化為戲外嘅激情。據劇組爆料,呢 pair「兄妹」喺片場眉來眼去係小事,齊齊「失蹤」都試過唔少次,所以大家茶餘飯後講起「雪條」同「笑皮」都以「有一腿」嚟形容!至於「笑皮」點解可以越級冧掂「雪條」呢?查實咪同佢冧「厚唇」一樣啫,不外乎噓寒問暖,送湯奉茶,溫柔細語!只係依家啲男人太懶嘞,無邊個做到呢啲簡單嘢,所以功夫做足嘅「笑皮」咪可以冧盡中港台嘅阿姐囉。

    tvb4life 發表在 痞客邦 留言(0) 人氣()