星悅居

揭娛圈揸磚頭富豪 發哥擁 10億物業稱霸

2012年09月07日 ~~ 第893期 忽然1周

樓市癲升,特首梁振英上周四( 30日)出招壓樓市,可惜換湯不換藥,滅火變撥火,樓價繼續失控攀升。兩年唔夠,無論半山豪宅,抑或天水圍公屋,樓價均瘋升三至四成。事實上圈中不少藝人都長揸磚頭致富,本刊搜羅娛圈十大藝人排行榜,其中早已打入荷里活的發哥周潤發及星爺周星馳最眼光獨到,單單計算現時仍持有的物業市值,同樣接近 10億,堪稱娛圈巨富。至於年輕一派霆鋒和古巨基,瞄準舖位更具潛力,近年分別大手買入中環擺花街多個舖位。
多得梁特首,家陣有物業在手,真係打跛腳都唔使憂。

Top 1 發哥 買埋地皮


一早已打入荷里活的發哥,片酬高達五百萬美金(約四千萬港元),加上電影分紅及廣告酬勞等,年賺逾億,吸金力強。雖然發哥經常俾人影到同人逼巴士、地鐵,但 90年代已開始買樓兼買地皮的他,現坐擁八個總值近十億物業,順利榮登圈中揸磚頭富豪榜首。
共約$9.92億





Top 2 星爺 分拆天比高


圈中另一巨富周星馳, 04年以 3.2億購入山頂普樂道天比高豪宅,將其拆卸改建為 4幢獨立屋,其中三間早年賣出,仍手持的 12號屋現時市值約 8億。雖只得兩個物業,但總值達 9億,比起發哥,僅輸個馬鼻。本周二( 4日),有報道指星爺前女友于文鳳入稟法院向他追討 7000萬投資佣金。相信星爺都有排煩。
共約$9億







Top 3 關之琳 愈買愈豪


關之琳(之之)打從八十年代已開始炒賣物業,早已有圈中「億萬美人」之稱。近年之之愈買愈豪, 10年以 1.4億購入的壽臣山道獨立屋,已升超過兩倍,輕易成為娛圈炒樓富豪榜第三位,亦穩佔女星中的榜首。
共約$6.07億







Top 4 劉嘉玲 鍾情半山


無論揀老公抑或炒樓都甚有眼光的劉嘉玲,與影帝老公梁朝偉財政獨立,近年她致力投資港島區半山物業,現手持的三個「磚頭」全部升到嘭嘭聲。
共約$2.52億







Top 5 古天樂 發達貝沙灣


近年拍戲拍到手軟的古仔,片酬高達 1200萬,所以亦愈住愈豪。出名孝順的他 09年豪擲 1.26億購入貝沙灣第 5期雙號屋與父母同住,短短兩年多就升值至 2億,一樓在手已安寢無憂。
共約$2.1億







Top 6 謝霆鋒 雙線發展


03年秘密搞後期製作公司的謝霆鋒,短短幾年已賺到笑,現每年盈利 8千萬,年底更上市。他講明有錢就買磚頭保值,除了狂掃中環舖外, 08年又以$9,638萬購入的赤柱 Ocean Bay獨立屋,現已升值至 1.7億。買舖加買樓,實行雙線賺錢。
共約$1.94億







Top 7 容祖兒 阿媽做軍師


歌后容祖兒憑着密密開演唱會及拍廣告,賺到盤滿缽滿。近年她得媽媽做軍師投資物業,現握 4層樓在手,輕易成為億萬小富婆。
共約$1.5億







Top 8 張栢芝 天價入市


離婚後栢芝獨力養兩子,去年一擲千金,以天價 1.28億買中半山世紀大廈,雖然單位仍未大幅升值,但唔使蝕已經執番身彩。
共約$1.48億







Top 9 張學友 睇準淺水灣


08年不幸成為雷曼苦主的天王張學友,有傳當年他損手達 4,000萬之多,故要出山開演唱會填氹。其實多年來學友投資物業眼光不俗,如手上的淺水灣怡峰,短短幾年已升 6千萬,似乎他買磚頭叻過買「牆紙」。
共約$1.3億







Top 10 黎明 炒高上水


07年黎明因被偷拍屋內春光,決定由跑馬地搬入上水的 St. Andrew's Place,空氣怡人住到人都發福。 09年他再出手購入附近的御林皇府獨立屋,當堂令到整個上水升晒值,窮鄉僻壤忽變富豪區。
共約$1.02億







小生花旦賺人仔掃樓


圈中頂級富豪身家吓吓億億聲,至於無綫花旦小生,拍劇都只係講緊一、兩萬一集。身家當然好難同發哥佢哋比啦。
好彩今時今日強國市場大,造就一班無綫小生花旦北上搵人仔,上去轉兩個圈,密密拍,有錢再攞嚟「買磚頭」,好似林峯、胡杏兒、郭晉安等,人人手上都有過千萬物業,應該好快可以退休。

Top 1 林峯 西環 chok王


林峯家底豐厚,父親有「廈門李嘉誠」之稱係人都知,但他憑無綫 「 chok王」之名亦賺到多桶金,前年開始在西區置業,兩層樓已升至四千萬,成電視界別之冠。
共約$4,000萬







Top 2 胡杏兒 甩拖 dream house


剛甩拖的胡杏兒,為脫離昔日與舊愛黃宗澤的愛巢,近日一擲千金購買 dream house郝德傑山豪宅。幾時都係信磚頭好過信男人!
共約$2,300萬







Top 3 郭晉安 住旺匡湖居


05年,郭晉安憑「阿旺」升呢,隨即買入匡湖居自住,眨眼 7年已升值 1千萬,「阿旺」果然旺過人。
共約$2,200萬







鄺美雲賺到笑 VS郭富城仆到直


所有投資都是靠眼光,尤其物業買賣,扑中了大可 un un腳唔使憂,但係落錯注分分鐘喊都無謂。

共賺約$1.14億


有「娛圈富婆」之稱的鄺美雲,原本捱窮出身,自小只住 300呎旺角板間房,因投資有道變身成億萬富婆。八十年代末她開始由股壇轉戰物業,多年來鋪鋪賺,賣樓已有過億進帳。







共蝕約$618萬


郭天王出名靚車多,現只有跑馬地嘉園和光明台兩個單位,供自己和母親居住,物業交投不暢旺。這可能由於早年他買的三個單位,全部蝕離場,在投資物業上,稱他做「仆直天王」不為過。







採訪、撰文:娛樂組
攝影:攝影組
插圖:冼錦堂

    tvb4life 發表在 痞客邦 留言(0) 人氣()