媽咪姐

網友爆張馨予做過坐枱

2012年09月07日 ~~ 第893期 忽然1周

張馨予同吳卓羲分手後,為咗向前男友證明活得比你好,早前就同李晨拖手晒恩愛。不過呢段「晨馨戀」就唔多受人祝福,網友喺微博喪插張馨予博出位,搞到佢要啟用「停止評論」功能。

一波未平,一波又起。有位網友周一( 3日)就喺微博踢爆張馨予出道前做過夜總會坐枱小姐,仲寫上夜總會名同價錢,講到言之鑿鑿。其實之前一早傳過張馨予做舞小姐,張當然否認,仲話呢啲傳聞好「荒唐」。既然呢類傳聞五時三刻就有一單,媽咪姐認為張馨予要再努力啲洗底喇!


張馨予周六( 1日)大方拖住新歡李晨,出席王菲同李亞鵬嘅嫣然基金活動。話晒呢個係慈善活動,拖仔搶鏡呢招又真係唔啱使嘅!


呢個網友踢爆張馨予出道前分別喺兩間夜總會做過,仲話佢陪坐價係三千蚊一晚。近年張嘅五官成日變,如果傳聞係真,媽咪姐真係想知當時佢係咩樣,收得咁貴。

    全站熱搜

    tvb4life 發表在 痞客邦 留言(0) 人氣()