收順啲啦!(設計對白)
我條氣唔順呢!(設計對白)
于文鳳同周星馳從未試過俾人影到公開拖手仔,最多都只係呢類撐枱腳相。呢張係 06年嘅相,而呢餐仲要係于文鳳俾錢!

媽咪姐

周星馳于文鳳 分手總要分埋錢

2012年09月07日 ~~ 第893期 忽然1周

好多時,一對情侶分咗手,先係連串糾纏嘅開始。同居嘅,可以爭傢俬爭雪櫃再爭埋隻貓;無同居嘅,可以瀟灑少少,但少不免都係要計錢!好似于文鳳啱啱就入稟高等法院,向分手兩年嘅前愛人周星馳追討 7千萬投資佣金,兩個人話唔定好快就要喺法庭見。

講開又講,于文鳳其實幾旺星爺,佢 97年開始做「星女友」之後,兼任埋私人投資顧問, 13年間不斷投資股票物業,好似發展尖沙嘴 gi商場同山頂「天比高」項目等,粗略估計幫星爺賺近 10億!最近就有報道話由星爺出任執行董事嘅上市公司比高集團( 8220),呢兩年蝕咗 2億幾,唔少業務大計嘅進度又未如理想。咦,唔通真係無于文鳳睇住就差咁啲?
不過,當一個想嫁一個唔想娶,目標咁唔一致,呢段關係都係算罷啦!或者 40歲嘅于小姐都啱,既然留唔住個人,就不如留多啲錢傍身做 facial。做女人,有時真係唔到我哋唔實際㗎!


星爺無咗于文鳳做私人顧問,事事要親力親為。上年尾佢就力撐唐英年做特首,押錯注囉。


于文鳳係上市公司香港建設(前稱熊谷組)創辦人于鏡波個女,富家女其實唔憂嫁。同星爺分手後,佢同廖創興後人廖堯城撻着,仲喜愛夜蒲㖭。

    tvb4life 發表在 痞客邦 留言(0) 人氣()