靠你嘞,老公!(設計對白)
收到!(設計對白)
法拉自從成為薛世恒嘅女人後,氣燄愈大,不惜與唱片公司高層 Herman撐到行。

娛聞樂

唱片公司高層封殺 陳法拉靠老公谷銷量

2012年09月07日 ~~ 第893期 忽然1周

陳法拉兩年前簽「星煥娛樂」做歌手,今年七月終於推出處女新碟《 Beautiful Life美麗人生》,一償歌手夢。近年升格無 綫一線花旦的她,以為唱歌拍劇雙線發展,可惜新碟累積銷量截至 8月底只有三百張,令她甚為不滿。
新碟仆直,她歸咎唱片公司宣傳不足,更曾三度向樂易玲投訴唱片公司高層何哲圖( Herman)沒足夠宣傳,希望逼他為自己谷碟。可惜 Herman受軟唔受硬,反而下令放棄陳法拉,搞到她急急搵「老公」薛世恒出馬,一星期之內,把新碟銷量谷高三倍至一千張。


唱片公司唔幫自己宣傳,陳法拉惟有自薦上森美遊戲節目《千奇百趣東南亞》。

因「老公」薛世恒是 Neway太子爺,陳法拉兩年前簽約 Neway旗下公司「星煥」出碟做歌手。可惜「星煥」最後由薛世恒胞弟薛世麟掌管,兩兄弟因老婆陳法拉與諸葛紫岐罵戰,關係變差,面和心不和。
而法拉自從簽「星煥」以來,自恃半個老闆娘,非常有性格,首次出碟已經想玩另類。但鑑於薛世恒失勢, Herman當然冇面俾,加上陳法拉為人心直口快,因為大碟宣傳多次與 Herman爭拗,兩人關係變得惡劣。

責宣傳不足


七月尾,法拉推出新碟後,首個月新碟銷量只有三百張,令她深感不滿,覺得唱片公司宣傳不足,並向 Herman投訴。「法拉好火,佢同 Herman講,話以自己知名度隻碟冇理由賣得咁差,仲話出碟以來只做過一次電台訪問同一次記招,又責怪對方揀歌唔掂。」知情者說。


陳法拉早幾年在《有營煮婦》(左)時露 bra谷收視,不過近日拍《衝上雲霄 2》時卻要求借位拍接吻戲,明顯變得錫身。



篤背脊篤出禍


Herman對鍾嘉欣愛護有加, 08年在勁爆頒獎禮慶功宴,就將嘉欣摟到實一實。

拉法仲三度致電愛錫自己的 TVB製作資源部總監樂易玲,投訴 Herman。「其實樂小姐最初都唔想多事,但佢係咁打 嚟,樂小姐都頂唔順,卒之打俾 Herman了解件事。 Herman梗係嬲啦,覺得法拉咁樣打小報告好唔俾面,於是下令封殺法泣,仲同人講唔會再同佢續約。」知情者說。
被辣 㷫的 Herman,還夾埋在 TVB掌管綜藝科的老婆余詠珊,聯手打壓法拉,所以法拉雖然係無 綫力捧花旦,但一樣冇得上綜藝節目唱歌,她惟有自薦上遊戲節目增加曝光率。法拉今次篤背脊可謂篤出禍。
據知, Herman已下令但凡有人找陳法拉工作都唔接,並轉為力 sell其愛將鍾嘉欣。陳法拉得知被「封殺」後,惟有親自出馬,自薦上 TVB的各大節目接受訪問及玩遊戲,盡力曝光谷新碟。
「法拉最初對新碟銷量甚有信心,但賣了近一個月,新碟銷量只有三百張,惟有向老公投訴。上星期開始,法拉新碟突然有 fans大量買入,累積銷量忽然急升三倍至一千張,明眼人一睇就知有人背後掃貨啦!」知情者說。
被「投訴」的 Herman則說:「我都有同法拉傾電話,佢啱啱由外地返嚟,依家忙緊拍劇。(嚟緊有無唱片宣傳?)佢要開劇,冇時間做宣傳。(法拉要自薦上節目宣傳自己張碟喎?)都係個別例子,唔係太多,可能節目聯絡經理人部門。(據聞法拉張碟嘅銷量喺上星期內由三百升至一千?)隻碟一直都係穩定上升。」

拍接吻戲要借位


唱片銷量差,陳法拉連新劇《衝上雲霄 2》都是非多多。據知,陳法拉開劇以來訂立不少規條,既要監製加戲,令自己的戲份與第一女主角胡杏兒平起平坐。身為人妻的她,為免老公唔開心,堅持接吻戲要借位,又拒接太早及太晚的通告,令劇組人員非常頭痛。
其實,早幾年陳法拉為博上位,不惜被郭政鴻「推油」,又在《有營煮婦》中露 bra谷收視。不過自從泊了好碼頭,她忽然變得錫身,更向樂易玲要求多多。
求證樂易玲,法拉曾向她投訴 Herman,她說:「冇聽過。(法拉自薦上節目?)冇,佢係一線花旦,好多監製都想搵佢啦,只不過佢有另一個歌手身份。(佢拍劇要求借位 kiss?)肯定冇,佢又唔係未拍過(指 kiss戲),不過,都要適當至加呢啲戲。」

當眾落面




六月出席《勁歌金曲》時,唱功麻麻的陳法拉,錄影時多次被 Herman在眾人面前寸爆鬧:「仲係走音,再唱過!」最後足足錄了五個 take, Herman才收貨。

死忍眼淚


而當眾被踩的法拉,只好眼紅紅谷住泡眼淚,旁人都睇得出 Herman有心挫法拉銳氣。




現場圖片

棄法拉 捧嘉欣


鍾嘉欣與陳法拉由拍劇鬥到唱歌,雖然有指唱片公司偏幫鍾嘉欣,但觀乎往績,鍾嘉欣在各方面均勝陳法拉,唱片公司「偏心」亦無可厚非。





撰文:娛樂組
攝影:攝影組
插圖:冼錦堂

    tvb4life 發表在 痞客邦 留言(0) 人氣()