黃智雯未set目標 難一見鍾情

無綫小花黃智雯性格爽朗,與男仔特別投契,惟她只被視為好兄弟,全無過電機會,故入行五年來智雯鮮有緋聞,笑言可讓她專注工作,省卻不必要的煩惱。對感情事她抱開放態度,將一見鍾情拋諸腦後,認為舒服才是大前提!


黃智雯的緋聞基本上五隻手指數得完!除了與合作次數最多的羅仲謙及袁偉豪,面對「煲水新聞」,她認為冇也有好處。

冇過電感覺

性格爽直的她較為慢熱,要熟落後才喜歡與朋友分享:「人馬座好易同人做朋友,男女都係,我幾鍾意同男仔做朋友,佢哋可能覺得同我傾偈舒服啦,不過久而久之,就冇咗男女朋友過電嘅感覺,反而似好兄弟多啲。(冇緋聞都OK?)係o架!可以專心拍劇,拍劇傳又會畀人跟,我開工要好高集中力先得。」


黃智雯正在上位,不急於物色男友拍拖。

黃智雯(左)與汪明荃(左二)及黃淑儀(右二)合作,獲益良多。

黃智雯性格爽朗,她不寄望一見鍾情,最緊要與另一半相處舒服。

容易與人混熟,智雯不擔心會被人出賣:「人相處係相對嘅,身邊好多朋友都提過我,有時要保護自己,一次過將自己嘅嘢同人分享會好蝕底,所以都會留意吓!」單身的她偶爾也會想到感情事,但未有設定擇偶條件,一切要以來得舒服最重要,即使選圈外人當男友,也不擔心經營感情困難:「男女未必一嚟就拍拖,都可以做朋友,到佢慢慢了解我工作先諗長遠,好過好有火花,一見鍾情嗰種啦!」

拍兩大阿姐

最近在新劇《巴不得媽媽》中智雯與兩大阿姐汪明荃及黃淑儀(Gigi)合作,大讚她倆很照顧後輩:「Gigi姐會用食物令開工氣氛緩和,有次佢教阿姐做醉雞翼,後來阿姐真係整番嚟畀我哋試,好好味,但我食一隻已經暈暈哋,因為落得太多酒,哈哈!(合作係咪好大壓力?)都唔係第一次合作,唔係惡,係認真,令我更加加倍去鑽研劇本。」

文:影視組

tvb4life 發表在 痞客邦 留言(0) 人氣()