上海姑娘鬥本地薑 徐佳琦接班

動漫節愈來愈冇驚喜,幸而今年爆出來自上海的「動漫徐子淇」徐佳琦(Jackie),這位小妮子來港只有八個月,但已速成學懂廣東話,難怪自詡叻過金剛!

自從「動漫Maggie」李曼筠休息多過做、「E Cup Baby」劉欣宜掛住拍拖,動漫掌門人看似沒人接班。今年動漫節雖然不見太大驚喜,但眾裏尋她,終於找到一位青春可人的靚女,她就是貌似「千億新抱」徐子淇的徐佳琦(Jackie)。

學林嘉欣演好戲

Jackie原籍上海,因為經常拍平面廣告和行騷,在當地已薄有名氣。去年年底,Jackie被徐小明發掘,打造成江若琳師妹,更首度憑新片《我老婆唔夠秤2》進軍大銀幕,與鄭伊健和蔡卓妍(阿Sa)演對手戲。八個月前來港的Jackie人生路不熟之餘,連廣東話也聽不懂,更遑論讀對白!她說:「起初真係聽都唔識聽,有朋友話學廣東話要學粗口先,我冇學到,咪狂讀報紙囉!同事仲話如果我一講普通話就罰一蚊,咁咪好快學識,仲叻過金剛添!」

Jackie希望可以在影壇闖一番:「我好想好似林嘉欣咁做一個用心演戲嘅演員,我知道自己有好多不足,但我會慢慢學,希望有一日可以成功!」

專案組

從上海來港的Jackie為闖影壇苦練廣東話,認真有毅力!

Jackie以林嘉欣為目標,誓要做個好演員。

林嘉欣

Jackie為本年度的動漫節添上新鮮感。

跟阿Sa及伊健拍戲,相信Jackie獲益良多。

tvb4life 發表在 痞客邦 留言(0) 人氣()