一身透視裝的卓韻芝,笑言想自己的棟篤笑可以不停開。

卓韻芝將會再舉行棟篤笑,昨日她到商台宣傳,暫定兩場的騷已爆滿,她表示今次會有服裝主題:「觀眾着個靚靚party look嚟,我哋會搵個靚模特兒幫佢哋影相。」
現時該騷暫定兩場,卓韻芝說:「好希望一直做落去,好似黃子華加完再加。」問會否如上一次胸襲男嘉賓,她笑言:「家未肯定有冇嘉賓環節,同埋諗緊用乜方法,我想再搵何韻詩,講佢戀情。」對於何韻詩最近又有新傳聞,卓韻芝笑言不知道,她又指想找謝霆鋒:「霆鋒會係結婚嘅對象,佢處理私事好大方,係真男人。」由於今次開騷會數落男人,阿芝怕之後男友會遠離她。
採訪、攝影:王連連

卓韻芝視霆鋒結婚對象

前電台主持卓韻芝(阿芝)昨日到電台宣傳10月舉行的棟篤笑,穿上透視衫露黑Bra的阿芝自爆曾邀請謝霆鋒做嘉賓任她摸,她說:「之前搵過佢,但佢話唔喺香港。(你對佢流口水?)霆鋒係結婚對象。」隨即大讚霆鋒說:「佢處理私事好大方。」問到有冇男藝人主動要求當嘉賓?阿芝說:「冇,反而好多經理人話推薦旗下藝人。」


卓韻芝開騷勁數男人

前電台主持卓韻芝(阿芝)昨日以透視裝透黑Bra接受電台訪問,提到10月舉行的棟篤笑,她說:「暫時未諗到嘉賓環節。(未有心水摸邊個男藝人?)上次搵過謝霆鋒,不過話佢唔喺香港。」問到是否對霆鋒嗒糖,她說:「OK㗎,霆鋒係結婚對象。(對佢仲有信心?)佢處理私人事好大方。」阿芝還攞老友何韻詩與好友容祖兒的友情開玩笑:「今次一開始就講阿詩。(爆佢戀情?)就係唔知,想引誘佢話個實情我知。」阿芝透露開騷時會勁數一眾男士:「會數爆男人、同男人死過。」

阿芝大讚霆鋒是結婚對象。


tvb4life 發表在 痞客邦 留言(0) 人氣()