插圖: Wendy

揞名爆

「佳佳」順得「仔」情失女意

2012年08月31日 ~~ 第892期 忽然1周

後生時同影帝愛一場,後尾嫁俾生意人嘅「佳佳」,年前失婚,近年就復出幕前,成績唔錯,有戲拍吓之餘,幾十歲人仲可以吸引到一個細佢 N年嘅後生仔,真係愛得轟烈同痴纏!

講真吖,媽咪姐覺得「佳佳」確係 keep得好,無論個樣同身材都索過唔少後生女㗎,姊弟戀?一啲都唔礙眼喎!之但係,佢嘅細路呢,就未必咁諗嘞。話說「佳佳」喺外國嘅細路都其實唔細,就快讀完書返香港做嘢,順理成章會返屋企同阿媽住。問題係「佳佳」依家同男朋友仔已經同居,而阿女由始至終未接受到阿媽同一個頂多做到自己阿哥嘅人拍拖! Well,遲啲仲要住埋同一屋簷下喎,點搞呀?
所以「佳佳」近排好心煩呀!搵班閨中密友狂呻,又出盡法寶幫另一半同阿女打好關係,好似以男朋友仔個名送名牌禮物俾阿女,又狂讚男朋友仔,同阿女講「哥哥」好有心,會幫佢喺香港搵工等等,實情就梗係「佳佳」出手啦。唉,所以話女人真係為情而生,而且可憐天下父母心呀!

tvb4life 發表在 痞客邦 留言(0) 人氣()