我絕對妖得起!(設計對白)
張根碩唔算好靚仔,但勝在五官配合得宜,望落順眼,仲有係夠膽,所以絕對妖得起。

亞熱帶

妖!張根碩

2012年08月31日 ~~ 第892期 忽然1周

韓國萬人迷張根碩,上個月中 喺上海,因為俾追車 嘅 fans激到火起,忍唔住 喺自己微博鬧爆,因而得罪 咗強國粉絲,俾人鬧佢「人妖」。
話張根碩係「人妖」又幾貼切,皆因佢呢幾年 嘅打扮,比日本第一妖男 Gackt更誇張,亦比 Gackt更受 㗎妹歡迎。
張根碩 2009年演出電視劇《原來是美男》時,已經紮辮仔畫眼線,姣過女主角,由於形象出位,因而躋身韓國頂級明星之列。但人氣愈飆升,打扮愈走火入魔,只可用一個字 嚟形容,妖!






Gackt




左起
鄭容和( CNBLUE)
朴信惠
右起
李弘基( FT Island)

《原來是美男》令佢最開心係可以同老死李弘基合作。兩個喺劇入面盡情鬥妖。

被內地粉絲譏為「人妖」 嘅張根碩之所以變成「妖男」,有人認為係物以類聚所致,事關佢同韓國娛樂圈出名「妖氣」 嘅金希澈( Superjunior成員)、李弘基( FT Island成員)係老死。加上瘦削身材同標致五官,甚有做妖男嘅本錢。
「妖男」張根碩依家好風光,但如佢自己所講,諗起以前,真係喊得出。今年 25歲 嘅張根碩, 5歲開始出 嚟做——童星,之後一直跟住 啲大人出入搵食場所,唔好以為童星有特權,做錯或做得唔好,一樣俾人兜頭兜面劈落 嚟,無情講。為 咗之後仲有得撈,惟有戰戰兢兢,盡力做到最好。
張根碩 嘅演藝歷程,唔算順風順水,拍過電視劇《幸福也販賣》,《布拉格戀人》飾演女主角全度妍細佬,而《黃真伊》則係河智苑初戀情人,但都係三、四線角色。直到 2009年一套《原來是美男》,即刻鹹魚翻生,仲紅到去日本。雖然 2010年同文根英 嘅《瑪麗外宿中》、 2012年跟「少女時代」成員允兒合作 嘅《愛情雨》( 9月 29日無 綫劇集台播映),兩套劇收視都成為墊底貨,但仍無損張根碩 嘅人氣。


張根碩舊年 4月喺香港搞簽名會,跌膊,飛吻兩招,已冧到粉絲暈酡酡。


歌手朴龍河喺舊年年頭自殺身亡,當時身在日本嘅張根碩即趕返韓國出席朴嘅喪禮。

[廣結人緣]


張根碩外表俾人印象好似好酷,查實佢都幾「好客」,除 咗 喺韓國娛樂界人脈唔錯外,香港 嘅郭富城、房祖名;日本 嘅小田切讓,甚至小童星蘆田愛菜都係佢 嘅 friend嚟 㗎。


日本——蘆田愛菜


釜山——小田切讓


上海——郭富城


首爾——房祖名

爆粗惹禍


俾張根碩稱為「宇宙王子」嘅金希澈服兵役,分派到首爾城東區公家機關,張根碩不時送上 Pizza慰勞。兄弟情深啊!

他近年銳意進軍強國,本來人氣唔錯,微博粉絲人數都成 5百多萬,但今次微博事件,對佢以後喺中國發展不無影響。首當其衝係 10月 27號佢 喺深圳 嘅演唱會,賣飛情況完全唔理想。張根碩一時意氣 嘅代價認真大!

演藝歷程


童星出身嘅張根碩,演員生活熬足 20年,雖然拍過很多劇,而且女主角來頭唔小,可惜佢只屬三、四線,直到 2009年拍《原來是美男》,平地一聲雷,令佢紅遍整個亞洲,更俾日本 fans封佢為「亞洲王子」。認真唔講得笑。


2001
與 BoA合拍 SK電訊廣告


2006
《黃真伊》,女主角河智苑


2009
《原來是美男》,女主角朴信惠


2010
《瑪麗外宿中》,女主角文根英


2011
電影《寵物情人》,女主角金荷娜


2012
《愛情雨》,女主角允兒

撰文:姜培綺

tvb4life 發表在 痞客邦 留言(0) 人氣()