苦命女友
去碼頭接 friend嗰陣,林利坐 喺車唔郁,手指指點女友落車接人。睇嚟佢真係當正自己係《學警狙擊》裏面嘅天哥喎!

媽咪姐

林利勁點女友

2012年08月31日 ~~ 第892期 忽然1周

同台灣名模范靜蕙離 咗婚 7年 嘅「小虎隊」成員林利,近年終於有拖拍,脫離 dry爆生活。早輪,媽咪姐仲撞見佢同女友過大海,但一落船見到人群,佢 哋即時行得離行離列,好鬼避忌。

行去等車 嗰陣,林利居然繑埋雙手,等女友聯絡司機,當對方係助手咁款。當見到保母車,佢仲即時跳上車,掛住照鏡整頭,懶理女友跟到氣喘。之後架車兜番碼頭接人,林利就大爺上身,手指指叫女友落車幫手。林利講過上次婚姻失敗,因為溝通出問題,但佢今時今日仲用呢 啲「溝通方法」,唔知佢女友又受到幾耐呢?


林利見到保母車,一支箭衝上車,女友只好急步黐實。


女友不負所託,接咗另一位女士同個細路女上車,睇嚟似家庭敍會喎。

tvb4life 發表在 痞客邦 留言(0) 人氣()