玩遊戲時,孫楊同葉詩文十指貼到實,大方又甜蜜,甚有情侶 feel。

媽咪姐

泳壇孖寶 孫楊•葉詩文 情侶檔上陣

2012年08月31日 ~~ 第892期 忽然1周

依家運動員明星化,搞到星級運動員冇晒自己空間,人前局住做「偽人」,真係好慘。
上周末,一班中國奧運健兒嚟香港作親善交流。明明係情侶嘅秦凱同何姿,人前人後都冇交流,上到台亦企到離行離列,一啲情侶 feel都冇。

相反,唔係情侶嘅游泳孖寶孫楊、葉詩文就表現得甚有默契。除咗外形登對,玩遊戲時亦不避嫌十指貼到實,相當 sweet sweet。難怪各地網民都封佢哋做泳壇金童玉女,有心撮合佢哋。


20歲嘅孫楊同 16歲嘅葉詩文同為浙江人,兒時入選杭州同一所體育學校,今屆倫奧亦一齊創佳績。兩個人企埋一齊,份外合襯。


孫楊臨走前,主動向傳媒展示粉絲送俾佢嘅素描。咁識做,抵佢成為新一代傳媒寵兒。


冇得人前親密,真係慘。﹙設計對白﹚
至弊連風頭都被人搶埋,唉!﹙設計對白﹚

真係情侶嘅何姿同秦凱,於周六( 8月 25日)嘅活動上,被大會安排企正隔籬。不過兩人冇太大交流,表現含蓄。

tvb4life 發表在 痞客邦 留言(0) 人氣()