全晚演唱會換咗十幾套衫,媽咪姐覺得多咗啲!

媽咪姐

蔡依林開騷嗌痛

2012年08月31日 ~~ 第892期 忽然1周

為咗幫大家搜刮娛樂猛料,媽咪姐一個禮拜返足六日工。上星期六( 25日)終於有得攤唞下,咪同班姊妹過大海,諗住「大開殺戒」,順便睇埋台灣天后蔡依林( Jolin)喺「威尼斯人」搞嘅演唱會。


Jolin開騷當然要俾 G奶出下風頭啦,最離奇係佢個身點郁, G奶都唔多郁!

32歲嘅 Jolin,歌精舞勁,成個 show由頭跳到落尾都冇話喘氣。但成個 show流流長,甩漏在所難免,好似佢返後台換衫嗰陣,製作單位唔記得幫佢熄咗支 head set咪,搞到全場觀眾聽住天后以高八度聲線嗌「好痛」。 Jolin着住對四吋高踭鞋當然腳痛,而媽咪姐又何嘗唔係拉老虎機輸到赤赤痛吖!

Jolin開騷之餘,仲無端端用自己個名 share咗個 wifi出嚟。專心唱歌啦,做咩上網?原來係要將半打葡撻相放上微博囉!





tvb4life 發表在 痞客邦 留言(0) 人氣()