廿蚊斤!廿蚊斤!有買趁手呀。(設計對白)
Eason話:「我啲汗真係好勁!我嘅願望係開一個唔着衫嘅演唱會。我係個有自知之明嘅人,但係咪要好身材先可以唔着衫呢?」唔係一定嘅,但有 8嚿「朱古力」就好啲!

媽咪姐

Eason豬肉騷

2012年08月31日 ~~ 第892期 忽然1周

媽咪姐上個禮拜五( 24日)山長水遠去咗亞洲博覽館睇 Eason個演唱會,一開場佢就企咗喺架七彩貨 Van頂上面大跳大唱,令架車左搖右擺,全場氣氛 high爆。見佢跳咗幾首已經成頭大汗,鬼咩!佢件螢光橙褸係膠嚟㗎,仲係由陳太徐濠縈親自設計!擺明要幫老公焗汗,迫佢減肥啦。

不過, Eason不嬲 natural high,就算坐低唱歌都郁嚟郁去,塊面好以噴咗水咁!工作人員多次忍唔住上台用大毛巾幫佢抹,最後 Eason仲拉起件 tee露出肥白「豬腩肉」,摸住「 3個月身紀」話:「我個女最鍾意摸呢度,我都好鍾意,甚至再摸低啲,真係好舒服!」嘩嘩嘩!阿 E神,你個女康堤喺台下面㗎,乖呀。


Van仔狂人
Eason喺呢部由丹麥運嚟嘅旅行車上又唱又跳,最後仲由車頂跳落地,確係唔怕死!


第一套出場衫由徐濠縈設計,陳太話:「我唔知佢第一 part排咗段 25分鐘嘅舞,佢嫌太熱,但唔敢唔着。」


放完長假嘅 Eason,一上台就興奮,男工作人員同佢抹足 3次汗。佢就用手掃人個胸,仲奸笑話:「今晚好好侍候你,俾上期你先!」

康堤上身


當日阿徐亦帶埋囡囡康堤同「老爺」陳裘大撐場。康堤全程投入,望住台上老竇邊跳邊唱,但見到有記者影相,就即時跑去媽咪後面匿埋,認真怕醜。


喪跳


玩紙條


搵阿媽做屏風

tvb4life 發表在 痞客邦 留言(0) 人氣()