媽咪姐

胡杏兒觸景傷情

2012年08月31日 ~~ 第892期 忽然1周

《怒火街頭 2》上周六( 25號)晚播出結局篇,當晚因為男主角鄭嘉穎返咗內地拍劇搵人仔,所以只有女主角胡杏兒同曹永廉等成班演員喺佐敦打邊爐睇大結局。

受情傷嘅胡杏兒雖然表現硬淨,始終女人仔一個,聽在場二五講,杏兒當晚情緒上落都好大。本來一開始時,杏兒仲好風騷周圍撩台前幕後傾偈,但睇到自己同苟芸慧爭鄭嘉穎嗰幕時,即刻喊到唔識收聲。唉,慌唔係諗起自己同 Bosco段情咩?真係陰功咯﹗


胡杏兒獨力撐場(上圖),當被問到同 Bosco舊情時,依然係有問必答,夠晒專業。


睇到同苟芸慧爭鄭嘉穎片段時,杏兒一時觸景傷情喊咗出嚟,旁邊嘅李雪瑩不時幫佢遞紙巾。




早前喺另一個宣傳上面,胡杏兒同賈曉晨兩個受情傷嘅女人,竟然比最近緋聞爆紅嘅苟芸慧表現更自然。

tvb4life 發表在 痞客邦 留言(0) 人氣()