上周六( 25日)一身行政裝束,戴住過萬蚊 Chanel頸鏈的袁彌明現身港台「選舉論壇」時,藐爆白韻 琹,她說:「佢參加嘅係小圈子選舉!」

娛聞樂

選舉前哨戰 袁彌明火併白韻 琹

2012年08月31日 ~~ 第892期 忽然1周

下月 9日舉行的立法會選舉中有兩位來自娛圈、並且敢言大膽的候選人參選。港姐出身的袁彌明,挾「人民力量」成員身份,主攻新界東選區;白韻 琹則以獨立候選人姿態,參選「超級區議員」。
雖然袁彌明和白韻 琹並非直接競爭對手,但二人為搶票,不惜展開隔空罵戰。白韻 琹明寸袁彌明未夠班:「我選嘅係有三百萬香港人投票嘅『超級區議員』,佢(袁彌明)同我根本冇得比!」袁亦回敬:「佢係騎牆派。佢嗰個『超級區議員』係小圈子選舉,玩法同港姐選咗三個先再搞普選冇分別。個遊戲唔係俾佢玩,佢一定輸!」
出口術之外,兩女更直踩社區鍊過。

袁彌明


年齡: 31歲
編號: 7號新界東
政綱:制衡港共政權、顧弱勢保民主

白韻 琹


年齡: 68歲
編號: 803號超級區議會
政綱:盡訴心中情、改變立法會

深信綠色有助自己事業的白韻 琹,周日( 26日)由頭綠到腳,到東涌拉票拉足半日。

選舉通識


今年香港立法會選舉全數總共有 70個議席,其中 35席分別來自港島、九龍東等 5個地方選區、 30席由功能組別產生、最後 5席亦即超級區議會,由 5個地方選區共同投票產生。

袁彌明


•對手包括社民連的梁國雄、民主黨的劉慧卿、自由黨的田北俊等 19組候選人
• 19組爭 9席( 35席中的 9席)
•該組排名第一的候選人是陳志全(慢必),慢必成功取得議席後,袁彌明需擁有一定票數才可當選。

白韻 琹


•由 15個區議員提名便可直接參選
•對手包括民主黨的何俊仁、涂謹申、民建聯的李慧琼等 7個候選人
• 7人爭 5席

Round 1
落區顯親和


袁彌明和白韻 琹為了爭取票數,連月來不停直踩社區拉票,大耍親民牌。代表新界東的袁彌明,上周四( 23日)就到沙田美林邨吶喊拉票。而白韻 琹,周日( 26日)則殺入東涌街市。論親和力,白韻 琹先贏一仗。


袁彌明於美林邨附近,不停向群眾揮手兼以親切笑容嗌:「你好呀!」不過市民反應冷淡。


白韻 琹落東涌街市逐個檔口東主派傳單。其間她更興奮地捉住買餸男街坊。

Round 2
洗樓視民情


除了落區拉票,袁彌明和白韻 琹亦主動出擊,直頭上門去街坊屋企了解民情。袁採取游擊戰策略,逐家拍門洗樓,當日她就行足 28層,傾足 50戶。而白韻 琹則事先搵定人聯絡,集中火力和一戶街坊傾偈。論勤力,袁彌明挽回一分。


選民肯開閘傾偈,袁彌明便說:「你好呀!我係袁彌明呀,之前喺電視都見過我㗎喇!住成點呀,有咩問題想我幫你解決?」


白韻 琹上樓後,立即關心街坊,她說:「東涌呢度係咪好遠呀?交通好唔方便呀?」

Round 3
鬥助選團隊


參選瑣碎事務超多,袁彌明和白韻 琹需要助選團隊。講人多,袁彌明的義工團隊當然巴閉,一打人俾佢任舞。不過白韻 琹為爭取民眾目光,就搵來一班靚女任助選團派傳單。白韻 琹贏新意。


袁彌明落區拉票前,事先會和十多名助選義工團溝通,講解拉票策略。


白韻 琹早前到九龍區拉票,索性搵靚女幫自己造勢,而外號「維園阿哥」的任亮憲,就出任白韻 琹義務顧問。唔知關唔關班靚女助選團事。《蘋果日報》圖片

Round 4
論壇寸出火


選舉前夕,各電視台均製作論壇節目,俾各位候選人鬥嘴互寸。由於袁彌明和慢必拍住上,寸嘴功力加倍。反而白韻 琹於節目中經常口窒窒,有時連候選人個名都講錯。袁彌明今局穩勝。


袁彌明不時攞出實質證據上枱,與慢必雙劍合璧指控對手。


白韻 琹只識叫人收聲,「你唔好嘥我時間,收聲收聲收聲!」場面爆笑。

使錢參選




參選經費驚人,袁彌明和白韻 琹二人亦使唔少錢宣傳。以下數字由本刊估計,並非官方公布。

網上普選


經過四個回合,袁彌明和白韻 琹分別贏了兩局,打成平手。大部分網友對兩位彈多過讚。


插袁出風頭


嘲白姐姐老

採訪、撰文:梁紫玲、袁凱傑
攝影:鄭家駿、陳志輝、葉兆康

tvb4life 發表在 痞客邦 留言(0) 人氣()