關仁隱事:「小魔怪」遭功臣報復 


「小魔怪」瞓身搞電視台,到家都唔知幾時可以翻本,但繼續日日燒銀紙唔係辦法,惟有諗計節流。早前無端端炒咗幕後「功臣」,搞到之前簽咗畀佢班藝人個個震騰騰。關仁聽講功臣嬲到飛起,覺得自己俾人用完即棄,為咗報復,連之前幫藝人搵嘅化妝、整頭贊助全部撬走埋,因為功臣喺呢行都叫有頭有面,贊助商當然照做。最慘當然係班藝人,好似「太陽之女」就最陰公,以為跟住老竇泊到好碼頭,點知早前接到個騷,完全冇公司人帶出帶入,十足孤兒仔,仲要自己畀錢搵人化妝、整頭,認真唔化算。
撰文:關仁

    tvb4life 發表在 痞客邦 留言(0) 人氣()