黃智雯摑腫王浩信 怒火街頭施毒爪

無綫小花黃智雯與王浩信前日於街頭「開拖」,兇悍的智雯先向浩信來個兜巴星,繼而扯其恤衫,又發狂向他狂抓,被打到面腫的浩信要敷冰療傷!

黃智雯與王浩信前日為新劇《好心作怪》開工,在鬧市拍攝一場「開拖」戲,飾演騙子的智雯因等錢使,為呃取浩信的手機而假扮其太太,當街誣衊對方有情婦,還對浩信「施暴」,既掌摑他,又喪扯其恤衫至爆鈕,更在他身上狂抓,令浩信上半身滿布指甲痕,盡顯潑辣本色!

被摑到面腫兼周身傷痕的浩信,笑指太太陳自瑤也大感心痛:「要敷冰,但係我要求智雯真打,好過NG好多次,其實之前合作第二套劇都有畀佢打過,所以都慣咗畀佢摑。」

打女上身

不過,智雯對浩信的傷勢毫不知情,她說:「真係唔好意思,希望佢冇事,敷多啲冰啦!(人哋太太心痛!)冇法啦!拳腳冇眼,我太投入喇!拍完後攝影師仲笑我,話原來我咁惡,我想話平時唔係咁,今次只係拍攝效果啫!哈哈!」她笑指現實生活中絕不會向男人動手,即使與另一半遇上不快事,也會於和平氣氛下解決。

影視組

黃智雯摑到王浩信飛甩眼鏡。

黃智雯在街頭與王浩信拉扯,不顧儀態。

王浩信被掌摑至面容扭曲,認真可憐!

慘遭「施暴」的王浩信,衣衫不整,欲哭無淚。

    tvb4life 發表在 痞客邦 留言(0) 人氣()