國台扮

隋棠大整蠱 宥勝激吻溫昇豪

2012年08月30日 ~~ 第1173期 香港《壹周刊》

電視劇《犀利人妻》熱爆中港台,大婆、小三爭男人故事題材個個睇得肉緊,打鐵趁熱,電影版《犀利人妻最終回:幸福男.不難》接力上畫,第一日已經收 807萬台幣,第三日上到 3,500萬。

可能成班演員冇諗過會大收,所以女主角隋棠公開話,只要票房到 2,000萬,兩位人妻男主角溫昇豪、宥勝,會公開男男吻,答謝觀眾支持。
話口未完已經上到 4,000萬,想縮沙都唔得,溫昇豪、宥勝頂硬上,為滿足現場採訪記者,兩男換 咗三個唔同體位,每次嘴對嘴維持 10秒,即係足足嘴 咗 30秒。
一直有傳宥勝對女人冇興趣,較早前更推出露股肌佬寫真,成為同志新男神。宥勝取向成謎,不過睇完佢同直到不能 嘅溫昇豪激吻完,出現超級生理反應,唔使開估啦!


不斷換甫士錫完又錫,隋棠睇到笑,溫昇豪驚到抹嘴,宥勝就扮鎮定,但佢個褲襠位出賣 咗佢囉!


為 咗專業,事前兩位男主角準備定漱口水。


由 8月 17日開始上畫,戲中演員不斷四出謝票。


兩位男主角已經作出男男吻犧牲,女主角隋棠話若果票房破億,會公開幫兩位男士沖涼擦背,大家等睇兩王一后出浴啦!


同《人妻》一齊上畫電影仲有陳柏霖、陳意涵主演 嘅《 BBS鄉民的正義》,上畫五日收 2,500萬台幣,個個都話佢係黑馬,票房不容忽視。

撰文:郭台明
mailto:nextb@nextmedia.com

    tvb4life 發表在 痞客邦 留言(0) 人氣()