同記者敬禮,小綜話呢十日最開心係學射靶,全部真槍,更加六發全中

國台扮

鄭元暢當兵有特別任務

2012年08月30日 ~~ 第1173期 香港《壹周刊》

繼阮經天、明道之後,另一位「星級逃兵」小綜鄭元暢,已經到 咗宜蘭縣金六結營區報到,接受基本軍人訓練,之後會以抽籤形式,安排佢正式入伍。做 咗阿兵哥十日,小綜有懇親假放,傳媒大清早去到軍營守候,以標準光頭軍人 look現身 嘅小綜,見到記者笑容滿面:「好久不見!非常想念大家!」

賣晒口乖,不過班記者一樣無留手,問 30歲 嘅小綜,如何同軍營內班十八廿二阿兵哥相處?小綜避重就輕:「我們都是同一時代的人,聊天時發覺,小時候大家都有買過林志穎的卡帶(卡式帶)。」係呀係呀!大家都係地球人添!
提到入伍感受,小綜除 咗第一日唔係好慣,之後已經睡得好吃得好,最後佢仲借傳媒公開呼籲:「林依晨、楊丞琳、陳妍希、陳意涵、張鈞甯,請妳們寄簽名照給我。」原來小綜拍晒心口幫班阿兵哥攞明星簽名相,兄弟叫到,無計!


稍後小綜要抽籤決定去向,問佢想去邊個單位服役?佢話冇所謂:「交給抽籤決定,哪裡需要我就去哪裡,外島也 OK。」咪下巴輕輕!


今年年初入伍 嘅阮經天,被編到替代役,主要做公益行行企企又一 day,早排同自己梯隊成員去市政大樓做義工,俾記者影到落樓下公園煙駁煙,歎!

撰文:郭台明
mailto:nextb@nextmedia.com

    tvb4life 發表在 痞客邦 留言(0) 人氣()