國台扮

Selina陳妍希齊造假

2012年08月30日 ~~ 第1173期 香港《壹周刊》

大陸幾假都有,假奶粉假髮菜假香煙,就連劉翔受傷原來都係假。
點假都得,由湖南 衞視舉辦 嘅金鷹電視藝術節,同樣俾人發現造假,事關舊年拍大陸劇《我和春天有個約會》被火燒傷 嘅 S.H.E成員 Selina,明明冇劇上,居然有份角逐金鷹節「最佳女主角」。

節目由湖南 衞視做搞手,當日 Selina都係幫湖南 衞視拍劇受傷。表面睇,擺明想借獎道歉,實情係電視台準備換過班演員重拍《我和春天》,想借 Selina做宣傳!
造馬造出面,原來仲有陳妍希。佢上個禮拜去北京出席中央電視台同 MTV台合辦 嘅「第十一屆 CCTV﹣ MTV音樂盛典」,未出碟,只有一首《那些年》片尾曲《孩子氣》,陳妍希無厘頭攞到「港澳台地區年度最受歡迎潛力歌手獎」。個名夠晒氣勢,未出碟就有獎,所以陳妍希禮尚往來,決定 响頒獎禮上獻出處女唱,好唔好聽?好過陳法拉囉,唔會一碟玩完啩!


爭分奪秒聽多次首歌,驚甩嘴驚發台瘟,陳妍希緊張到胃痛,不過攬住個獎即刻笑番晒!


金鷹電視節最佳女主角獎,係由公眾一人一票選出,其實 Selina經理人公司反對佢入圍,但大會要宣傳,一於少理。


《我和春天》兩位主角同樣被燒傷, Selina有份角逐女主角獎,而俞灝明有指會做頒獎禮嘉賓,無非都係想個騷有更多話題性。

撰文:郭台明
mailto:nextb@nextmedia.com

文章標籤

tvb4life 發表在 痞客邦 留言(0) 人氣()