Workshop內會陳列湯寶如多年來精心製作的手工藝作品,當日見她細心重新整理,將作品上架。

標尾會

20年處女騷 湯寶如蝕住唱

2012年08月30日 ~~ 第1173期 香港《壹周刊》

傳十月嫁許安的鄭秀文( Sammi)取消今年聖誕個唱,讓出紅館檔期;已做歸家娘的湯寶如,見機會從天而降,為一圓二十年夢想,將原本安排九月開 workshop的大計擺埋一邊,已租下的鋪位要空租,蝕住錢 瞓身準備十二月「處女」個唱。

終身事業


○七年與賽車手男友陳德民誕下一子後,湯寶如專注家庭生活,照顧五歲囝囝,偶然返大陸做騷賺使用,生活寫意。大把時間的她,閒時做手工藝自娛,日子有功,手藝水準達專業級數。
早前湯寶如決定將興趣轉化成事業,開 workshop教小朋友做手工藝,並已在銅鑼灣區物色好心水鋪位開業。
「湯記 喺銅鑼灣搵 咗個兩萬幾蚊月租 嘅樓上鋪,而且已經裝修緊,點知張耀榮突然話幫佢搞演唱會,仲攞埋 Sammi個黃金檔期。」知情人
士說。
湯寶如當年與黎瑞恩、劉小慧並稱寶麗金(環球唱片前身)三小花,未入行前又做幼稚園教師,早已習慣與大班小朋友相處,她更加視今次開班教手工藝為終身事業;但為了一圓開個唱心願,她決定押後創業大計。


冷手執我嘅熱煎堆?(設計對白)


湯寶如落手落腳和助手合力搬貨,做到大汗疊細汗都冇計較。


曾任幼師的湯寶如,演唱會後會瞓身投入 workshop的工作,並視之為終身事業。

三個月空租


「備戰時間其實好緊迫,要 keep fit又要練氣,無多餘時間搞鋪頭嘅事,加上請人好難,人工又貴,湯記教 嘅又係小朋友,更加唔可以隨便交低俾人打理;但開個唱係夢想,冇錢賺都要 瞓身做,所以佢寧願白交幾個月租,等搞完個唱先開張。」
原定在九月開業的 workshop,最低限度要延後至年底或明年初,三個月空租走唔甩。「鋪位一早簽好租約冇得改,而且銅鑼灣區唔係咁容易搵 啱心水鋪,湯記唯有硬食。」
早個星期六(十八日)下午兩點左右,湯寶如自己一個在銅鑼灣鋪頭內執頭執尾,開始布置及擺放她的個人作品,而鋪內的裝修,亦大致已經完成。
入行二十年後終於有機會開「處女」個唱,使大七萬零蚊,值得有餘!


湯記近年除了專心湊仔外,間中也有返大陸做騷搵銀。


前寶麗金女將(右起):關淑怡、王馨平、周慧敏和湯寶如(左),近年狀態回勇,紛紛重投歌唱事業,難得捧場客絡繹不絕。


寶麗金(環球前身)三小花黎瑞恩(左)、劉小慧(中)和湯寶如(右)當年愛情大過天,同為另一半淡出幕前。


湯寶如以二萬元租下的銅鑼灣廣旅集團大廈樓上單位,地點適中,方便家長帶小朋友返學。

湯寶如未入行前,已醉心手工藝創作,尤其專注麵粉公仔和布公仔製作,(圖右)更是她特別為兒子設計的相框,非常精緻。







懷舊目標


昔日「寶麗金三小花」湯寶如,黎瑞恩及劉小慧,今日已各為人母,多年來過着相夫教子生活,有今年憑住電影《春嬌與志明》人氣反彈的王馨平做借鏡,不少演唱會搞手,均蠢蠢欲動,希望勸得掂三位「媽級」中花復出再唱。

黎瑞恩




寶記三小花中最唱得的一個! 02年在紅館舉行處女個唱後宣布引退,之後下嫁金利來集團太子爺曾智明,是曾憲梓的三媳婦,現育有一仔一女。多年來不時有主辦單位邀復出,是樂壇懷舊目標。

劉小慧




當年有「學生情人」美譽, 98年與草蜢蘇志威奉子成婚退出,先後誕下兩女君蕎及靖珺,近年致力為老公打理舞蹈學校及禮服生意。

王馨平




下嫁商人李家輝十多年,王馨平時有登台過唱歌癮,今年為電影《春嬌與志明》客串,將人氣及當年經典金曲《別問我是誰》成功翻熱,食住個勢,今年將舉行入行近廿年來的首個迷你個唱。

撰文、攝影:娛樂組
mailto:nextb@nextmedia.com

文章標籤

tvb4life 發表在 痞客邦 留言(0) 人氣()