手拿 Celine名牌手袋的江若琳,與女助手趁上週二下午有空檔,約地產經紀往杏花邨睇樓。

探熱針

江若琳買樓有老細借首期

2012年08月30日 ~~ 第1173期 香港《壹周刊》

樓市再升溫!普通人置業難外,連藝人也好不了多少。江若琳拍戲加拍劇,這幾年收入穩定,但樓價長期上揚,令她儲極都唔夠俾首期;老闆林小明見江若琳追極都上唔到樓,於是出手相助,借出首期助她一圓買樓夢,連同門師弟徐正曦亦受惠。近日兩人頻頻出動睇樓,徐正曦已成功在沙田區覓得心水盤,率先置業。

地產經紀帶江若琳往屋苑靠近海邊的一座睇樓及參觀屋苑設施及環境。





五百萬單位


上週二(八月二十一日)下午二時半,淺藍色上衣加短裙的江若琳,與女助手一起在杏花邨商場內的地產代理外搵盤,其間有職員主動上前招呼,帶兩人入內坐低傾。
二十分鐘後,江若琳和女助手跟 着一名地產代理,一行三人離開商場,前往同屋苑向海邊的單位睇樓。
據知,家住北角的江若琳鍾情港島東區的大型屋苑單位,不過該區樓價硬淨,呎價郁吓近萬元。
「杏花邨同太古城呢兩個龍頭屋苑,都係阿 Ling(江若琳)心水,佢預搵啲五百萬左右嘅兩房單位,一個人住好夠。」知情人說。


家住北角的江若琳,心儀屋苑也在港島東區,當日她睇的杏花邨樓盤,樓齡雖然高,但樓價硬淨,最新呎價達八千多元。




一心想做業主的江若琳,近幾年事業發展不俗,雖然有錢搵,可惜做極都追不及樓價升幅。
至於同屬寰宇旗下的江若琳師弟徐正曦,在香港曝光不多,但他長期在大陸密密接劇,新作是跟明道合作,翻拍韓劇《天使的幸福》,外界普遍對他的反應很不錯,密做密執,但要成功置業,仍有一段距離。


上月底,徐正曦被發現與經理人到奧海城附近屋苑睇樓,不過未有覓得合適單位;直至最近他才在沙田以三百萬買得心水樓盤。




甚少在香港曝光的阿曦,主力在大陸拍劇,近作《天使的幸福》,與台灣男星明道(右一)、劉詩詩(右三)等合作,反應不錯。


同門師妹林司慧(左)、倪晨曦(右)齊賀徐正曦二十六歲生日。

成功上車


林小明

見二人做極都唔夠俾首期,老闆林小明決定幫手。
「林小明睇好佢兩個,認為阿 Ling同阿曦喺大陸有發展空間,可以做落去,所以肯借首期。成間公司得佢兩個可以係咁,第日搵到錢再還,呢排佢兩個已經開始搵樓。」
據知,上月底曾在奧海城一帶睇樓的徐正曦,最終在沙田區覓得心水單位,以三百萬成功上車做業主。「奧海城嗰邊啲樓比較貴,揀沙田一來啱價,二來阿曦貪近火車站,方便佢往返大陸。」知情人說。

窮剩 58蚊


07年一度捲入老闆林小明婚變事件的江若琳,搞到江媽媽為女出頭,不但爆女兒只得一萬元月薪,並拿出僅得 58元存款的銀行存摺,證明女兒沒有受到特別照顧。
從 08年起,江若琳五年間完成五部電視劇,十部電影。其中《高舉•愛》和《結婚那件事》均是孭飛做女主角;並且簽約星煥出碟,歌影視三線發展,積極搵銀脫貧。


當年江若琳無辜捲入老闆婚變事件,氣得江媽媽急急為女出頭澄清,還拿出存摺證明女兒冇受「照顧」。


當年一度窮得存摺只得五十八元的江若琳,五年來密密接戲接劇,早已擺脫貧窮日子。



撰文、攝影:娛樂組
mailto:nextb@nextmedia.com

    tvb4life 發表在 痞客邦 留言(0) 人氣()