嘉樂仔捉住兩個小朋友 𠵱哦,又整蠱埋玩緊騎膊馬 嘅羅仲謙,心情好到冇得頂。

同你吟一吟

錢嘉樂預演湊仔公 湯盈盈佗 B心情差

2012年08月30日 ~~ 第1173期 香港《壹周刊》

鐵定十一月同湯盈盈擺酒結婚 嘅錢嘉樂,上個禮拜三(八月二十二日)去到葵芳新都會廣場宣傳新劇《巴不得媽媽》,提到未來老婆有 咗,嘉樂仔避重就輕:「自己冇得講大話,又唔想講大話,大家俾 啲空間我 哋。」




外傳湯盈盈 啱 啱有 咗三個月,雖然過 咗封嘴期,但做老豆兼做埋老襯 嘅嘉樂仔點都唔願親口承認雙喜臨門,不過活動當日,呢位準爸爸除 咗去到邊都拖實劇中飾演佢仔仔 嘅童星,之後大會邀請現場小朋友上台玩遊戲,嘉樂仔一樣唔放過。
小生命來臨,傳佗 B嘅準錢太心情就麻麻。上個禮拜二(二十一日)湯盈盈為新劇《老表,你好 嘢》開工,除咗同劇對手郭晉安羅蘭姐王祖藍講晒恭喜說話嗰吓,準新娘冇厘笑容。
大肚婆情緒容易起伏,湯盈盈解釋只係睇錯通告遲到,化妝又化得唔好。佗 B大晒,老婆佗 B已經辛苦,仲要開工同搞婚禮,嘉樂仔,打醒精神呀!




劇中飾演嘉樂仔外母 嘅汪阿姐話對方會係一個好爸爸。


如果唔係郭晉安羅蘭姐王祖藍輪住講恭喜,大肚湯盈盈就算執到金都唔識笑。


仲未見肚,湯盈盈開劇自己揸車都冇問題。



撰文:八珍
mailto:nextb@nextmedia.com

    tvb4life 發表在 痞客邦 留言(0) 人氣()