林子善請 嚟心目中 嘅女神陳法蓉做嘉賓,一直企正門口位嘅唐詩詠就負責嗌人出門口影相。

同你吟一吟

林子善做老闆 唐詩詠三哥撈打雜

2012年08月30日 ~~ 第1173期 香港《壹周刊》

林子善同朋友合資七位數所開 嘅龍鳳冰室,上個禮拜六(八月二十五日)開業。榮升做老闆,林子善 call齊圈中好友撐場,包括三哥三嫂、馬國明、苟芸慧、陳法蓉等。

提到盤生意,由籌備到開鋪甚至計數,林子善話都係拍檔功勞,期望最快三個月至半年回本,平日自己只要有時間,一定會坐鎮冰室招呼客人。不過開幕當日,最忙嘅係唐詩詠,幫手鋪 枱布拜神,就連拜神用 嘅生果同衣紙,都由佢負責。《壹》仔忍唔住口問唐詩詠:「間鋪你有份?」佢即刻笑住擰頭話唔係再彈開。
唐詩詠客串做「伙記」外,等吉時拜神期間見差佬到,三哥即刻行出去幫手睇車,保證大家唔使食「豬肉乾」,至於近期負面新聞纏身 嘅苟芸慧,就企門口同附近班街坊合照,群星幫林老闆造勢,證明林子善人緣唔差。


鋪完紅 枱布,再搞埋拜神用 嘅生果同衣紙,唔知以為唐詩詠係老闆娘。




林子善親自擒高撕開紅紙,為冰室揭幕。


三哥一早到,見有警察抄牌趕車,佢自告奮勇行過對面馬路了解。


不斷有街坊埋去搵苟芸慧合照,可見唔理好醜,上封面有效。

撰文:八珍
mailto:nextb@nextmedia.com

文章標籤

tvb4life 發表在 痞客邦 留言(0) 人氣()