失戀真係有樣睇,楊怡有大隻謙,個樣分外風騷,吳卓羲明顯係皮笑肉不笑。

同你吟一吟

吳卓羲失戀刪微博

2012年08月30日 ~~ 第1173期 香港《壹周刊》

藝人玩微博玩上癮,就連公布生仔結婚發聲明都 响微博搞掂晒。不過,微博都有壞處,正如吳卓羲,當日俾張馨予入錯微博上錯床,搞到情侶關係公諸天下;但呢段中港友好關係,已經俾張馨予同內地男藝人李晨認拍拖,正式一刀切!偷食富家女,吳卓羲箍煲徹底失敗。

九月二日係吳卓羲三十三歲牛一,俾女飛,好在班 fans有心,安排佢同八月三十日生日 嘅楊怡一齊搞 party。提到舊愛火速結新歡,吳卓羲表明立場唔想再提張馨予,仲話自從換 咗新電話,冇 download同玩微博好耐,又係 嘅,無謂舊地重遊,睇番張馨予用佢戶口發床照個微博,眼寃啦!


六月尾吳卓羲最後一個微博留言,係講佢同張馨予拍拖好開心,希望外界支持,唔少 fans叫偶像就算唔再玩微博,都無謂保留呢個留言。




速遞卡地亞戒指俾張馨予箍煲,不過都唔夠情敵李晨硬淨,吳卓羲仲話以後都唔會再提前度。

撰文:八珍
mailto:nextb@nextmedia.com

    tvb4life 發表在 痞客邦 留言(0) 人氣()