九月都未到,陳豪已經睇定滑雪裝備,為佢同陳茵媺拍拖後首個旅行做好準備。

同你吟一吟

試定雪裝 陳豪 plan好同陳茵媺遊埠

2012年08月30日 ~~ 第1173期 香港《壹周刊》

早排陳豪公開講過,希望夾到時間同女朋友陳茵媺拍拖遊埠,至於地點同形式,佢就話最想係去啲少人地方,二人世界無人騷擾,事關兩個拍 咗拖咁耐未試過一齊旅行,但女友就快要開劇,旅行大計唔知幾時先可以落實。

公開表心跡!估唔到陳豪仲即刻做 嘢!星期一(八月二十七日)下午,《壹》仔 响中環撞見陳豪,去 咗間專賣戶外同爬山用品 嘅專門店。
長袖衫仲要戴埋帽,陳豪行到身水身汗,入到鋪頭第一時間不斷抹汗,但佢都未歎夠冷氣,就醃住臭汗著咗件 Gore-Tex厚褸上身,再戴埋冷帽同滑雪用眼罩,著到冰天雪地咁款。咦!佢想學梁朝偉劉嘉玲,同豪嫂拍拖出門滑雪,抑或試定衫做收錢代言人呢?隨時兩樣都中!




沿住條擺花街一路行,一身秋裝打扮 嘅陳豪,熱到背脊濕晒(左圖)。


視帝 shopping,成班女售貨員包圍服侍。

撰文:八珍

tvb4life 發表在 痞客邦 留言(0) 人氣()