「點解你個嘴咁大個嘅?因為我想食你吖嘛!」麥當勞小紅帽系列廣告中,一個四歲的女孩嘴嘟嘟、手郁郁地說。

她叫楊鎧凝(Celine),自去年十月起已連續接拍九個廣告,計有屈臣氏、納米洗衣液、滙豐銀行等,標貌標致可人,聲線甜美悅耳,彷彿天生就是小明星,令人愛不釋手、百看不厭。

「我佗佢嗰陣都係聽吓莫札特,冇其他特別胎教,但係就忽然好鍾意食士多啤梨,日日都要食一盒,依家佗緊第二胎,就冇呢個習慣。」楊太說。

孕育廣告小天后,絕非為做星媽而鋪路,「我希望佢第時讀多啲書,唔好發明星夢!」

對於女兒Celine接拍廣告,楊生楊太直言未敢當上「星爸星媽」,只希望女兒將來學有所成。

四歲的Celine ,自去十月至今,已接拍了九個廣告,現在手頭上還有數個廣告斟洽中,「廣告小天后」稱號當之無愧。

拒做星媽

找楊太做訪問,她對「星媽」一詞甚表抗拒,「你睇我同Celine爸爸嘅身形,就知佢第時都做唔到明星喇,依家拍吓廣告,當畀佢接觸多啲人、識吓朋友仔o架咋。」女兒Celine人見人愛,楊太遂於去年中讓她參加小模特兒比賽,意想不到地換來試鏡的機會。首個廣告是在內地播放的迪士尼廣告,緊接便是衞生署的廣告,還有牛欄牌、屈臣氏、滙豐銀行、麥當勞等,至今短短十個月便接拍了九個廣告,所有酬勞已撥入「Celine教育基金」,楊太愜意地笑說:「喺電視見到個女梗係開心啦,留個紀念都好吖嘛,佢生得咁細粒,大個唔慌可以選到港姐,又做唔到o靚模,依家做咗先囉!」

預產期為本月尾的楊太,直言Celine非常期待弟弟的出世,經常向街外人高呼「八月出世喇」。

今年四歲的Celine性格活潑好動、男仔頭,喜歡看超人動畫和玩波,楊太說:「畀個波佢,就可以玩成日!」不論四年前在肚裏,聽到莫札特音樂就會踢踢腳,到現時在家中,也會揸咪自彈自唱,表演慾超強,「Celine好神奇嘅,上到台就變咗另外一個人,一啲都唔怯場o架。有次喺商場做show,佢要同鍾嘉欣一齊跳絲帶舞,佢事前從來未學過,上到台,竟然可以即場跟住鍾嘉欣跳,仲跳到有板有眼咁;依家佢每次拍完廣告返屋企,都會問我:『我今日做得好唔好呀?叻唔叻呀?』佢一見到鏡頭就會自動波擺甫士。」

Celine早前在麥當勞的小紅帽系列廣告中,獨當一面,可愛的面孔及嬌俏的聲線,令人一見難忘。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()