賈曉晨 無懼小三惡名 揚言爭取名份 JJ攬實樊少皇唔放 


JJ昨日打扮性感出席灣仔財經講座,她強調樊少皇冇呃過佢。

29歲宅男女神賈曉晨( JJ)被指做小三,搭上39歲、已有女友及一對子女的樊少皇,雖然樊少皇前日發聲明堅稱自己四年前已跟孩子母親分開,但據悉他其實因搭上 JJ才狠撇女友,之前二人從未分手。至於前日欲跟樊少皇斬纜的 JJ,疑經過樊少皇一晚冧功後,昨日態度突然180度轉變,聲稱一早知男友有女友和子女,又揚言接受男友的過去,拍拖只求將來結婚生仔。

賈曉晨與沈震軒上月分手後,火速搭上二線打星樊少皇,不過二人拍拖一個月,樊少皇即被踢爆原來早有妻兒,他十多年前跟女友陳少霞結婚,生下一對子女,現時大女15歲,細仔10歲。樊少皇前日在微博承認自己有一對子女,但強調從沒跟孩子母親結婚,又堅稱自己四年前已跟孩子母親分手,力洗 JJ小三之名。不過,據悉樊少皇跟陳少霞雖無夫妻之名,但有夫妻之實,二人十多年來從沒分開,直至樊少皇結識了 JJ後才拋妻棄子。由於樊少皇一直向 JJ隱瞞有妻兒一事,令她無端端背上小三之名。



樊少皇日前在微博上載 chok相。 

樊少皇正身在青島,與楊冪(後座)拍攝內地劇《盛夏晚晴天》。 「拍拖要將來」

JJ前日接受電話訪問時激動落淚,揚言事件曝光後「接受唔到」,又謂「好想等件事搞清楚」,言語間欲跟大話情人斬纜。然而 JJ昨日下午到灣仔出席一財經講座活動時,態度竟180度轉變,言語間處處維護樊少皇,令人懷疑前晚身在青島的樊,透過電話向 JJ大施冧功,令 JJ態度軟化。
JJ昨日下午4時許現身灣仔,問她心情如何?她笑說:「我今日開始長大,每句說話要諗得好清楚,因為我噚晚接受無綫娛樂新聞台訪問,我從來冇講過佢冇話過呢件事(有女友和子女)我知,我只係等佢發聲明至回應。」是否事前已知男友有女友和子女? JJ說:「同聲明一樣,佢係冇結婚,所以呢段時間我考慮係咪包容呢件事。」問她前晚所指「好難接受」是指難接受被指第三者? JJ說:「係,以我所知佢係冇結婚,同埋已經係好耐之前嘅事。」
JJ越講越眼紅紅想喊:「每個人都有過去,愛一個人係要包容佢過去。」樊少皇何時告訴她有子女? JJ說:「打算交往嘅時候。」是否一個月前?她說:「差唔多。」言下之意要跟樊少皇繼續發展?她說:「每個女仔都唔想呢啲事發生,我想佢哋搞清楚佢哋關係先,我想拍拖同愛情都清清楚楚,唔可以令大家有誤會。我拍拖要一個將來,就係結婚生仔,唔想唔清唔楚嘅事令親人朋友好難接受。」
是否不相信樊少皇? JJ卻又否認,而且越講越亂:「我冇。因為佢講嘅同聲明一樣,冇呃過我。家我只係同一個之前有過去嘅人拍拖,家我盡量嘗試去包容,希望佢將件事搞清楚。」是否接受男友的子女? JJ說:「我做緊包容態度,每個人都有過去,冇可能將人哋過去向自己負責,最緊要係將來。」 JJ此番話在暗示願與樊少皇繼續交往。問她有沒有跟樊少皇聯絡?她說:「有,佢睇到報道都唔開心,我都明白佢將呢件事收埋咗咁多年,都有壓力同痛苦。」



JJ昨談到被指小三時,一度眼紅紅表現委屈。 

樊少皇表示與女友陳少霞已分開。《忽然1周》圖片 

今年3月, JJ(右一)與樊少皇(左一)、洪天明及羅家英到湖南出席酒吧開幕活動。 

樊少皇昨突然在微博表示尊重 JJ決定,令人以為二人分手。 樊少皇力護 JJ

樊少皇昨在微博說:「關於 JJ,我知道昨日的新聞稱她是第三者,稱她破壞我家庭,媒體的不斷訪問都讓她心情崩潰,如果她有新的決定我都絕對尊重,請大家不要再誤解她。」樊少皇助手昨表示 JJ沒有提出分手,樊少皇在微博留言只是體諒女友感受,她說:「少皇知道 JJ現在很慌很亂,亦擔心她接受不了,所以將來她有甚麼決定都會尊重。」
JJ舊愛沈震軒昨出席《造王者》宣傳時,表示有聯絡 JJ,他說:「我睇電視見佢喊,我有慰問佢,希望佢唔好唔開心。」對樊少皇有妻有兒女有何意見?他說:「畀啲空間佢哋。」
採訪:黃曉妍、何慧斯
攝影:仇志德、黃文偉

人物誌:美女廚神愛力王 41,433 


賈曉晨今年29歲,比樊少皇足足細10年,她早年在內地做廣告模特兒,06年參加無綫《美女廚房》奪美少女廚神冠軍,近期在《怒火街頭2》做骨妹入型入格受注目。
現年39歲的樊少皇童星出身,曾被父親送到少林武術隊讀書及練武,早年在劇集《天龍八部》扮演虛竹及《少年英雄方世玉》的洪熙官頗受歡迎,92年主演 cult片《力王》(下圖),片中的他能一拳打穿敵人腸肚。不過他之後星途沉寂,至08年憑電影《葉問》獲提名金像獎最佳男配角,事業再度起飛,片酬升至約80萬,現專注在內地發展,曾與傅明憲和楊思琦等傳緋聞。

JJ愛得包容:我冇被騙

賈曉晨(JJ)傳出與樊少皇拍拖後,有報道指男方有妻有兒,令JJ慘變小三,昨日她在活動現身時多番維護男友,更力撐自己所知的就如男友樊少皇所發的聲明一樣,力指男友沒有騙她。



賈曉晨表示樊少皇早已向她交代過去種種,她選擇繼續包容對方。

本報率先披露「樊J戀」,未料爆出樊少皇有妻有兒JJ慘變小三,前日她聲淚俱下受訪時似暗示未知對方有關背景,昨午JJ出席金融機構活動,吸引大批記者在場守候,她在四名助手陪同下出現,受訪時JJ仍不時眼濕濕,談及心情時,「一夜長大」的她說要慎言:「可能大家對我講嘅嘢有啲誤會,我從來冇講過佢冇話過畀我知呢件事(指有子女),我只係等佢發聲明先回應。(介意被指小三?)係,同埋話佢仍在婚姻階段,以我所知佢冇結婚,而且都係好耐之前嘅感情。」極力維護男友的她強調雙方交往前,樊少皇已向她交代清楚,又多次表示她所知的與樊少皇前日所發的聲明一樣,故相信男友並沒有騙她。

寄望將來

堅信男友有不一樣的過去的JJ眼濕濕的說:「愛一個人應該包容佢嘅過去,所以個報道(指其為小三)一出嚟,我都唔知咩事。(會繼續發展?)我想愛情係清清楚楚嘅一件事,唔可以令到大家有誤會。我拍拖係要有將來,希望可以結婚生仔。(唔再信佢?)冇,以我所了解,我係同一個以前有過去嘅人拍拖,所以我會盡量嘗試繼續包容佢!」


放大圖片

賈曉晨被傳媒追訪,談到痛處,不禁合十及語帶激動。

沈震軒力撐「樊J戀」。

明白痛苦

JJ亦會以包容態度接受男友已有子女的事實:「每個人都有過去,冇可能要人哋過去嘅嘢向自己負責,最緊要係將來。(佢有冇搵你?)有,因為佢睇到雜誌都唔開心,其實佢將件事收埋咁多年,佢嘅壓力同痛苦我都明白。」另方面,JJ舊愛沈震軒昨出席劇集宣傳時,表示有安慰她,指「樊J戀」剛開始,無謂搞破壞,希望JJ可以堅強啲。而樊少皇昨於微博亦有安慰女友,更表示會尊重她的所有決定。

文:影視組

JJ眼濕濕「佢冇嘢呃我!」

與樊少皇相戀的賈曉晨(JJ)近日備受輿論壓力,繼日前澄清被指小三的報道時聲淚俱下後,昨日又眼濕濕回應戀情,力撐男友未有對她隱瞞:「佢冇嘢呃我!」

早前本報率先披露「樊J戀」,日前又有消息指男方早有家室,令JJ慘變小三。JJ於昨午四時許,在4名助手陪同下現身灣仔出席活動,她受訪時忍不住眼濕濕澄清:「可能大家對我講嘅嘢有啲誤會,我從來冇講過佢冇同我講呢件事(指有子女),我只係等佢發聲明先回應。」又稱最介意被指小三:「以我所知佢冇結婚,而且係好耐之前嘅感情,我考慮同包容緊呢件事。」

承認於1個月前發展戀情的JJ,以「每個人都有過去」維護男友:「愛一個人應該包容對方嘅過去,報道(指其為「小三」)一出嚟,我都好想知咩事。(幾時知佢有仔女?)我哋交往之前佢都有講。(繼續發展?)我拍拖要有將來,我希望結婚生仔,唔希望有任何唔清楚嘅嘢令到我嘅親人、朋友同自己難受。(唔再信佢?)佢冇嘢呃我!以我了解,我係同一個有過去嘅人拍拖,所以我會嘗試繼續包容佢!」

舊愛沈震軒安慰

JJ又自我安慰:「最緊要係將來!(佢有冇搵你?)有,佢睇到雜誌都唔開心,佢將件事收埋咁多年,佢嘅壓力同痛苦我都明。」而JJ舊愛沈震軒昨日宣傳劇集時表示有安慰對方:「人哋啱啱開始,唔好搞破壞啦!希望JJ可以堅強啲。」而樊少皇昨日亦於微博安慰女友,表示會尊重她的所有決定。

影視組

JJ出力維護樊少皇,更講到咬牙切齒眼濕濕!

JJ

情緒不穩的JJ(中)由多名助手陪同下開工。

沈震軒透露有安慰舊愛JJ,並希望JJ堅強面對。

同病相憐:《怒火2》三女桃花劫 41,267 


胡杏兒

JJ誤做小三,與她一同主演《怒火街頭2》的兩位女角胡杏兒和苟芸慧也捲入分手、小三事件,三女認真黑仔。

胡杏兒

女主角胡杏兒上月喊住斬8年情,有指黃宗澤搭上湖南34E乳牛柳岩,敗於強國小三手下的杏兒,早前一擲過千萬叠埋心水與家人同住。



苟芸慧

緋聞纏身,繼被傳翻撻羅天宇後,又先後被指姣黐監製錢國偉和鄭嘉穎,更因劇照被寫成與謝天華車震,前日她委屈落淚(圖)。

賈曉晨

因早前樊少皇在微博一些蛛絲馬迹,令 JJ與他的戀情曝光,但樊少皇日前被揭已有女友兼誕下子女, JJ慘成小三。

資料來源:《蘋果》資料室

    tvb4life 發表在 痞客邦 留言(0) 人氣()