的骰之家
溫家偉的寓所不算大,大型梳化、 44吋電視及電腦枱已佔了大廳大部分位置,加上「發水」窗台,剩餘空間並不多。

星悅居

溫家偉 肌男宿舍

2012年08月24日 ~~ 第891期 忽然1周

香港樓價企硬,新一代的 80後,莫講話上車難,想租樓都不是易事。
08年,從美國返港選港男的「大隻仔」溫家偉( Alan),本來投靠在美孚新邨居住的舅舅。兩年前,他決定過獨居生活,與同屆港男呂熙夾份租住將軍澳廣場 590呎一高層向海單位,月租一萬四千元。估不到兩個 80後男生將家居布置得井井有條,溫家偉表示:「以前喺美國住慣 apartment,冇諗過香港啲屋咁細,我想喺間房轉個身都難!」呢啲咪係香港獨有嘅地產霸權,睇開啲啦後生仔!

互動片段

溫家偉家居 肌男宿舍



25歲的「大隻仔」溫家偉, 08年參選港男落敗(當年冠軍為朱允崇)後,隨即返回美國完成大學學位,翌年 7月才正式回流加入無綫。他拍過不少劇集及飲食節目,最近更被睇中在《衝上雲霄 2》飾演機師練習生。落地生根,當然要搵間舒適的寓所落腳。初時他寄居在舅舅的美孚新邨近千呎單位,至兩年前才搬出來住。「美孚返將軍澳好遠,有時拍劇夜返,仲會嘈到舅舅,好唔方便,咪決定搬出嚟住。咁啱呂熙佢又想搬出嚟,咪一齊夾份租樓。」


早前,溫家偉和蘇民峰師傅主持飲食節目《食得風騷》。原來私底下他也是廚藝高手。


溫家偉的單位可眺望對面的清水灣半島和附近碼頭,景觀不俗。

特別版熊仔




除在電腦枱頭放置了一隻價值過千元的金色特別版 Bearbrick,「熊癡」溫家偉在電視旁亦放了一隻黑色的,常伴左右。

熱愛打機




溫家偉表示平日很少與同屋嘅呂熙見面,但當兩人同時在家,會一齊打籃球遊戲打發時間。此外,溫家偉亦會和在美國居住的朋友聯線打機,保持聯絡。

牀身狹小




由於房間細,睡牀約只有 3呎闊,對他的身形來說只是「掹掹緊」,睡得很辛苦。

波鞋滿屋


愛看 NBA的溫家偉,家裏儲了 60多對波鞋,總值過廿萬。而其手上的兩款 Jordan系列波鞋,購入價約 2千元。至於皮帶、帽、黑超和手錶亦堆滿衣櫃,收納得甚有條理。




黑超 15副


帽 20頂


名牌皮帶 3條


珍藏手錶 12隻

景觀一流


記者約訪問時,溫家偉曾憂慮單位狹小,影出來的效果不太好。記者發現溫家偉沒有講錯,兩房一廳的 590呎單位,大廳看來連 200呎都沒有。一入屋,電腦枱、電視、傢俬等一覽無遺,不過他卻可以將大廳分隔做工作間及玩樂小天地,真的很花心思。
平日甚少留在家中的他,只能在電腦枱上用膳,有朋友到訪時,亦只有迫在梳化中,「我喺美國住 apartment,冇諗過香港啲屋咁細,但呢度勝在近公司,個景觀又靚,向海之餘又會望到公司( TVB),樓下又有會所做健身。所以我同呂熙一睇到呢度就即刻扑槌租。」

貪靚型仔




每朝「大隻仔」溫家偉會用半小時剃鬚化妝然後才出門,一絲不苟。




洗手間中,溫家偉擺放的洗面及護膚產品超過 30支,分磨砂、保濕、乾爽等,一年四季都有專用產品。

爭取時間




由於會所的健身室非 24小時開放,工作不定時的溫家偉,有時亦會留在家中做 push up練大隻。

落廚修身


在美國居住時,溫家偉曾做過廚師,家中更儲了不少烹飪書籍。返港後,他亦有用武之地,主持《食得峰騷》及《街坊廚神》。每當他留在家中,亦會鑽研新菜式,不過最拿手都是煮意粉及甜品。練得一身好肌肉的他,健美心得便是少油少鹽。「其實我本身食得好清淡,煮嘢食好少落油,飲品都會揀低糖。我想減肥嗰排,通常會烚雞肉同煮大量蔬菜,兼以麥包代替食飯,咁就會快啲減磅。如果有啲男仔冇乜肉地又想增肥,我會建議佢哋乜都食,除大隻奶粉外,肥豬肉、內臟都要食,到差唔多到達想要嘅標準,先開始轉食烚雞肉同舉重,修身之餘又保持住有肌肉。」

撚手小菜


溫家偉最愛煮意粉,貪其方便易煮,並以忌廉、雞蛋同芝士混和打「芡」,配以煙肉碎,簡簡單單就一餐。記者有幸試味,味道拍得住餐廳質素。





最怕煲水




記者發現溫家偉家中儲了不少蒸餾水,原來他曾發現家中的自來水有異味,不敢用來煲水,故買了不少蒸餾水給自己及朋友享用。

醬汁講究




溫家偉曾在美國做廚師,對煮食用的醬汁好有研究。單以沙律醬為例,都選購從美國入口的。

單位平面圖






撰文:衞潔瑩
攝影:潘啟德、李梓軒、湯文峯( video)
插圖:冼錦堂

    tvb4life 發表在 痞客邦 留言(0) 人氣()