睇下啲途人唔係戴超就攞扇,可想而知陽光有幾猛,天氣有幾熱,但林莉就頸巾加長褲,齋睇都出汗!
依家啲後生女身子真係弱!﹙設計對白﹚

媽咪姐

林莉慌死蝕底

2012年08月24日 ~~ 第891期 忽然1周

因為已經立秋,呢排天氣叫做無咁熱,但中午時分,都成日有 30幾度高溫,冇乜事都真係唔想出街!不過媽咪姐早兩日喺熱到標汗嘅銅鑼灣見到林莉,佢竟然圍住條大頸巾喎。係,媽咪姐知你係名模,可能咁襯法叫 fashion啩?但熱死辣辣仲要加條巾,唔怪得佢由希慎道行去利園 嗰短短 5分鐘路程,唔少途人對佢眼望望。


睇正面先知林莉原來着咗件牛仔 tube top,仲當街猛咁抽衫。查實咁驚跌,就不如換件窄啲㗎啦。

咁媽咪姐又望真啲啦!咦,原來喺大頸巾下,林小姐着咗件 tube top嘅,佢仲經常出手掹高件衫㖭。其實呢,着得出嚟,又要遮遮掩掩。兩個字,多餘囉!

    tvb4life 發表在 痞客邦 留言(0) 人氣()