博出位

群星中伏　中基頸梗　學而入廠

2012年08月24日 ~~ 第891期 忽然１周

娛樂圈定律，愈忙愈紅，愈紅就愈忙！無論你係一線、二線定三線，大家都寄望日日有工開。不過近排有班明星搏得滯，捱得多，捱到病鬼咗。鄭中基搏命拍戲搵奶粉錢，搞到整親條頸，要睇急症戴頸箍；趙學而由探病變咗病人，仲入埋廠……。錢長搵長有，命仔就得一條咋，保重保重啦！

鄭中基梗頸四


鄭中基做咗爸爸之後比以前更加搏命搵奶粉錢，早排佢喺橫店拍《四大名捕》狂吊威吔搞到「 chok」親頸，慘變梗頸四。雖然佢主演嘅《低俗喜劇》收成千七萬，不過鍾意食「牛歡喜」嘅佢，戴住頸箍自嘲係龜仔，想去謝票都唔得喇！

趙學而探病變入廠




有老公養嘅趙學而，不甘變師奶，近日佢參與拍攝王維基新劇《第二人生》，日捱夜捱，仲拍到入埋廠，心痛死建築師老公仔啦！

曾華倩旅行捱病




人哋返工捱到病，但曾華倩因為去咗歐遊而玩到病，喺彼邦要睇醫生兼食藥，你話係咪另類晒命？

江美儀狗仔都冇心機




啱啱埋位拍《衝上雲霄 2》嘅江美儀認真唔好彩，第一日開工就重感冒搞到失埋聲，仲點開工呀？佢隻可愛寶貝狗「 Teddy」見主子唔舒服，自己都表現出一臉憔悴，果然夠同心吓！

鄭欣宜谷到爛嘴




剛完成舞台劇《一屋寶貝》嘅欣宜，密密做谷出病，先係感冒，病毒再蔓延到個口，搞到成口飛滋！病況相比其他明星，小兒科啦！  

    文章標籤

    群星中伏　中基頸梗 學而入廠 忽然1周 891期 搞到 探病 保重 奶粉 chok 中伏 圈定 感冒 明星 急症

    全站熱搜

    tvb4life 發表在 痞客邦 留言(0) 人氣()

    E-mail轉寄