年初黃偉文喺紅館搞紀念騷,除咗令「 Shine」重組開騷外,傅珮嘉亦係其中一個翻 hit成功例子。

媽咪姐

傅珮嘉開騷一腳踢

2012年08月24日 ~~ 第891期 忽然1周

借問聲你哋見到呢條題之後,內心有冇「唓」一聲呢?事關傅珮嘉冇人氣,媽咪姐做乜要寫佢呢?實情係今年 31歲嘅佢,月底將會搞個超迷你音樂會。

歌手開騷,表面正路,但原來傅珮嘉喺樂壇捱咗足足 15年,前年亦已成為人妻,連仔都生埋。今次為咗一圓開騷心願,於是拎咗幾十萬出嚟,由籌備、搵 band、宣傳一腳踢,每步有血有肉㗎,咁值得媽咪姐俾少少篇幅同佢打氣嘅。


傅珮嘉當年與張栢芝同屬「環球唱片」新人,當時栢芝彈出,傅就經常掹車邊出騷。


家陣冇唱片公司重金包裝宣傳,傅珮嘉惟有喺微博放張「冇面見人」嘅個唱海報谷飛。聽講反應 OK噃!


傅珮嘉前年嫁咗俾台灣仔,婚後就好快生咗囝囝 Jasper,仲經常將阿仔嘅得意相放上微博。

    tvb4life 發表在 痞客邦 留言(0) 人氣()