29歲嘅 JJ早前停止貼仔,飛甩奀星沈震軒,最近搭上樊少皇。不過男方原來有妻有兒, JJ情路認真崎嶇。
點解我成日俾人呃㗎?(設計對白)

媽咪姐

JJ誤做小三

2012年08月24日 ~~ 第891期 忽然1周

隔籬胡杏兒早前因小三而同黃宗澤分手,同劇嘅 JJ(賈曉晨)最近亦誤做小三。話說 JJ今年 3月於洪天明婚禮上邂逅樊少皇,兩人一撻即着, JJ更送上門,主動北上會情郎。誰不知,男方原來一早結咗婚,並育有一子一女。據講事件穿煲後,樊少皇急急向 JJ解釋,堅稱同老婆冇晒感情。

橋唔怕舊,最緊要受。據聞 JJ聽完信到十足,願意同愛郎永相隨喎。唉,呢啲拋棄糟糠嘅男人,其實邊度信得過?媽咪姐勸 JJ清醒啲,以免日後埋怨:這陷阱、這陷阱,偏我遇上!


情侶帽「洩蜜」
兩人雖冇承認戀情,但微博上處處「洩蜜」。男方早前上載相片所戴嘅帽,恰巧同 JJ一樣。




除咗打功夫,溝女都係我強項。(設計對白)


39歲嘅樊少皇跟髮妻結婚約十多年,並先後育有一女一子。男方甚少公開提及家庭狀況,但 00年罕有被《忽周》拍得台灣旅行嘅蜜照。

    tvb4life 發表在 痞客邦 留言(0) 人氣()