近日受情傷 嘅視后胡杏兒點名大讚林秀怡有天份,拍喊戲夠自然,搞到秀怡好感動。

媽咪姐

胡杏兒點名讚林秀怡

2012年08月24日 ~~ 第891期 忽然1周

上期,《忽然 1周》報道《怒火街頭 2》「裸女」林秀怡嘅身世。報道一出後,引起唔少迴響,多位圈中人如胡杏兒同監製劉家豪都好同情佢 嘅遭遇,紛紛喺微博留言撐佢。

早幾日,林秀怡同佢媽咪喺天水圍屋企樓下食飯。林媽媽仲同媽咪姐講:「秀怡真係好乖,由細到大責任心都好重。知我身體唔好,就搶住孭起成頭家。好似今日落嚟食飯,佢自己一個就一定唔會食 50蚊一個晚餐。但佢知我想食,就會買俾我。見到佢咁搏命,我都好心痛。」林秀怡勤力又孝順,媽咪姐都睇好你㗎!


胡杏兒喺微博上讚林秀怡演戲有天份,並留言鼓勵佢,甚有前輩風範。


林秀怡睇到杏兒嘅留言,即回覆多謝佢支持,言語之間充滿感激之情。


上期《忽周》報道林秀怡嘅可憐身世,佢為咗養起頭家,閒時兼職做侍應,相當勤力。


林秀怡與媽咪喺天水圍屋企樓下嘅茶記食飯,有好嘢食林秀怡都會留俾媽咪,母女情深。



    tvb4life 發表在 痞客邦 留言(0) 人氣()