插圖: Wendy

揞名爆

「好嘈」死「富二代」

2012年08月17日 ~~ 第890期 忽然1周

差唔多個個 𡃁模都例牌話自己係 single,眨住嗰對戴住神奇「大眼仔」嘅五蚊眼,猛話好想搵個溝通到嘅男朋友照顧自己。哦……你信唔信吖?反正媽咪姐就不信鳥!

好似喺 𡃁模界叫有名氣,得閒就拍吓戲嘅「好嘈」,一向唔嫌「仔」多,不過就點都攬住一個最有米嘅,其他嗰啲咪做吓「觀音兵」囉。早前,佢憑住副魔鬼身材,都搵到個屋企有幾層喺手嘅「富二代」做正印!為咗箍男友,「好嘈」不時上男友屋企過夜度春宵,仲借啲意愈放愈多私人物品喺人哋嗰度,十足霸地盤咁。
之但係,外面嘅森林咁鬼大,呢位靚女梗係唔會放棄晒!一於邊在外「狩獵」邊霸地吸金。不過「好嘈」喺出面嘅「戰績」好快俾雜誌影晒,「富二代」初時都仲信女友解釋,但大話聽得多,都聽出有「景轟」,後尾決定斬纜分手,叫「好嘈」執嘢走!但「好嘈」竟然使出一哭二鬧三死嘅招數,不斷打電話傳短訊要求復合,又厚住臉皮走去「富二代」屋企門口等,亦死都唔肯攞番放喺人哋屋企嘅衫褲鞋襪,諗住死就有機。結果呢?好多嘢唔係就有嘅,「好嘈」依家咪又做番「全職獵人」囉!

    tvb4life 發表在 痞客邦 留言(0) 人氣()