句句金

句句金

2012年08月17日 ~~ 第890期 忽然1周

陳奕迅新歌《非禮》被指諷刺內地人無禮貌,日前 Eason解畫並無此意,並強調:
我都係中國人,中國人不打中國人。
何謂「不打」先?佢老婆啱啱先喺微博鬧完中國人咋喎,唔通中國人係鬧得唔打得嘅?




《怒火街頭 2》集 4位廣東話不純正嘅演員演出,聽到觀眾耳仔生繭咁滯。始作俑者嘅苟芸慧自言努力改善,亦感謝劇集監製俾機會佢哋班「鄉音人」,
令套劇好國際化。
國咩際咩化,鄉音化就真,加上普通話橫行香港,唉,廣東話真係末日啦。




鄭希怡早前喺泰國跌傷導致頸椎移位,卻因禍得福獲男友求婚。難怪佢偷笑表示:
跌一跌賺咗個老公番嚟。
恭喜晒!下次「因福得福」,因結婚早生貴子,咁就皆大歡喜嘞。




內地桃色陷阱特多,經常上內地拍戲嘅鄭中基聲稱冇「乳牛」送上門,並笑言:
我對「奶」敏感,睇下就得,入肚會屙。
果然識諗!內地「奶」出名毒,中咗招俾人唱通街就唔好啦。




周潤發日前宣傳《銅雀台》時自認係小人物,片酬全交給老婆,每月亦只有少量零用錢,
每月給我兩百塊錢。
咁咪最低工資都冇!咁點生活呀?

    tvb4life 發表在 痞客邦 留言(0) 人氣()